和牛割烹小田

Open Now

Now Closed

今日一個人嚟咗和牛割烹小田食Omakase。未開始食就抱住滿懷期待嘅心情，因為喺網上睇到佢哋嘅 Omakase 有好多好評，就揀咗午餐時間試吓佢哋呢個 Lunch Omakse。果然冇令我失望，每一道菜都經過日本師傅精心炮製，賣相同味道都相當有水準。尤其係冷凍炭燒茄子，係一道唔錯嘅開胃菜，茄子經過炭燒之後進行冷卻，軟綿綿嘅口感好獨特，別有一番風味。番茄肉醬和牛漢堡令我眼前一亮，和牛漢堡入口鮮甜，加上牛肉嘅香味，優質嘅肉質，再配埋自家製嘅番茄肉醬，簡直係一流。海膽和牛壽司有一大個和牛喺白飯上面，加上海膽點綴，令本來好鮮嫩嘅和牛更加鮮味。炭燒牛扒配時令蔬菜嘅和牛烤得啱啱好，五分熟嘅牛肉鎖住肉汁，厚實嘅肉質口感同濃郁嘅油脂香味，伴住淡淡嘅炭燒香味。跟住係小田和牛壽喜燒配白飯同味噌湯，牛肉浸入 Kodawari 蛋入面，少咗油膩感，多咗味覺上嘅層次，配上香甜嘅白飯，同埋味增湯，係幸福嘅享受。甜品豆腐布甸口感絲滑，入口即化，帶有濃郁嘅楓糖味。食咗咁多款和牛嘅料理之後，覺得佢哋嘅 Lunch Omakase 非常抵食，真係好正！