Video
Read full review
2023-12-21
18 views
約咗朋友喺荃灣西海之戀食呢間新嘅韓國餐廳，午市仲有折添。蜜味乳酪粉炸雞 $188炸雞真係炸得超好，皮好香脆，拎上手一啲都唔油，重點係裏面嘅雞肉勁Juicy，配上甜甜嘅蜜味乳酪粉好好味。伴碟嘅炸甜番薯都好好食。芝士辣炒雞 $128店員幫我哋喺枱邊炒，睇住滿滿嘅芝士拉絲，真係勁邪惡。每件雞都捲着芝士，芝士奶香加上香辣嘅味道，好惹味。火灸牛 $98店員喺枱邊幫我哋用火槍隻燒，牛肉經過隻燒之後多咗一份香氣，肉質柔軟，充滿肉汁，食嘅時候仲可以加上蒜同埋乾蔥，好香。韓式牛肉蛋捲 $128呢個蛋卷好香蛋味，而且唔會過火，嫩滑又香，中間仲要夾住牛肉同埋芝士醬，配上燒汁好好味。玫瑰牛肉炒年糕 $128呢個炒年糕比我想像中多汁，個汁加咗芝士好creamy，年糕煙煙韌韌掛滿汁，少少辣好惹味，除咗有牛肉，配料仲有啲魚糕。辣豬肉拌飯 $108呢個辣汁超辣，食落去個後勁好強勁，辣味慢慢滲出，好過癮，撈飯好正，配上肥瘦均勻嘅五花肉片令人食唔停口。朱古力雪冰 $88呢個綿綿冰朱古力味超濃，啱晒我咁鍾意食朱古力嘅人，唔會好甜，食完呢個甜品好滿足。
蜜味乳酪粉炸雞 $188
炸雞真係炸得超好，皮好香脆，拎上手一啲都唔油，重點係裏面嘅雞肉勁Juicy，配上甜甜嘅蜜味乳酪粉好好味。伴碟嘅炸甜番薯都好好食。
芝士辣炒雞 $128
店員幫我哋喺枱邊炒，睇住滿滿嘅芝士拉絲，真係勁邪惡。每件雞都捲着芝士，芝士奶香加上香辣嘅味道，好惹味。
火灸牛 $98
店員喺枱邊幫我哋用火槍隻燒，牛肉經過隻燒之後多咗一份香氣，肉質柔軟，充滿肉汁，食嘅時候仲可以加上蒜同埋乾蔥，好香。
韓式牛肉蛋捲 $128
呢個蛋卷好香蛋味，而且唔會過火，嫩滑又香，中間仲要夾住牛肉同埋芝士醬，配上燒汁好好味。
玫瑰牛肉炒年糕 $128
呢個炒年糕比我想像中多汁，個汁加咗芝士好creamy，年糕煙煙韌韌掛滿汁，少少辣好惹味，除咗有牛肉，配料仲有啲魚糕。
辣豬肉拌飯 $108
呢個辣汁超辣，食落去個後勁好強勁，辣味慢慢滲出，好過癮，撈飯好正，配上肥瘦均勻嘅五花肉片令人食唔停口。
朱古力雪冰 $88
呢個綿綿冰朱古力味超濃，啱晒我咁鍾意食朱古力嘅人，唔會好甜，食完呢個甜品好滿足。
Post
