Video
Read full review
2023-11-01
24 views
餐廳：U IZAKAYA (銅鑼灣)地址：銅鑼灣耀華街38號ZING!10樓銅鑼灣耀華街出名多食肆🍽，今次去咗ZING!10樓呢間Fusion創意西日式餐廳——U IZAKAYA @uizakaya 食晚飯，唔知你又有冇去過呢🤓？餐廳開咗接近一年，佢哋主打用海膽做主題嘅西日式Fusion菜，成個餐牌有成二十幾款特色海膽菜式，海膽大部分由日本北海道直送🇯🇵，唔同季節會提供唔同嘅海膽，另外仲有各款壽司刺身、日式和食、串燒🍢、鐵板♨️、牛扒等，而午市同晚市嘅套餐同樣吸引咗唔少人過嚟食返餐好嘅😌餐廳有室內同室外座位，餐廳嘅中庭位置有個吧枱，客人可以喺度望住Bartender調製Homemade Cocktails🍸，食完嘢可以同朋友叫返杯嘢飲，邊飲邊吹水🗣；依家天氣涼涼哋，唔怕大風嘅話坐室外都喺一個幾唔錯嘅選擇，可以由ZING! 10樓望出去銅鑼灣嘅夜景，非常寫意🥰今次叫咗個原價要$828嘅Dinner Menu，依家只需要$638就食到😍，九道菜嘅份量十分足，除咗刺身同海鮮🦪，當然唔少得餐廳嘅招牌海膽同串燒等美食✝️慢煮雞胸凱撒沙律輕輕炙燒慢煮過嘅雞胸片，嫩滑嘅肉質伴隨住陣陣炙燒香味🔥，配埋羽衣
地址：銅鑼灣耀華街38號ZING!10樓
銅鑼灣耀華街出名多食肆🍽，今次去咗ZING!10樓呢間Fusion創意西日式餐廳——U IZAKAYA @uizakaya 食晚飯，唔知你又有冇去過呢🤓？
餐廳開咗接近一年，佢哋主打用海膽做主題嘅西日式Fusion菜，成個餐牌有成二十幾款特色海膽菜式，海膽大部分由日本北海道直送🇯🇵，唔同季節會提供唔同嘅海膽，另外仲有各款壽司刺身、日式和食、串燒🍢、鐵板♨️、牛扒等，而午市同晚市嘅套餐同樣吸引咗唔少人過嚟食返餐好嘅😌
餐廳有室內同室外座位，餐廳嘅中庭位置有個吧枱，客人可以喺度望住Bartender調製Homemade Cocktails🍸，食完嘢可以同朋友叫返杯嘢飲，邊飲邊吹水🗣；
依家天氣涼涼哋，唔怕大風嘅話坐室外都喺一個幾唔錯嘅選擇，可以由ZING! 10樓望出去銅鑼灣嘅夜景，非常寫意🥰今次叫咗個原價要$828嘅Dinner Menu，依家只需要$638就食到😍，九道菜嘅份量十分足，除咗刺身同海鮮🦪，當然唔少得餐廳嘅招牌海膽同串燒等美食
✝️慢煮雞胸凱撒沙律
輕輕炙燒慢煮過嘅雞胸片，嫩滑嘅肉質伴隨住陣陣炙燒香味🔥，配埋羽衣甘藍、沙律菜、車厘茄、麵包糠同芝麻🥗，加上自家製酸酸甜甜嘅salad dressing就更開胃😋
✝️刺身壽司盛
好豐富嘅刺身壽司拼盤，刺身有三文魚、油甘魚、阿根廷赤蝦🦐；而壽司有火炙腦天額、黑松露帶子、鰻魚。
特別一提比較稀有嘅腦天額，即喺魚頭頭頂前額嘅肉，每條魚得1-2片，放入口軟滑而無筋，魚油豐腴帶嚟濃郁魚鮮香，我幾鍾意💕
✝️馬賽魚湯
法國南部普羅旺斯菜當中嘅名湯，用咗足料海鮮熬煮而成🦀，湯入面有鮮蝦🦐、蜆、魚肉同各式蔬菜🥕，鮮味十足
✝️海膽三文魚籽茶碗蒸
用咗深橙黃色、膽肉瓣細細但相當肥美飽滿嘅北海道根室海膽，海膽鮮味濃得嚟仲帶有獨特甜香🤩，配埋粒粒爆汁嘅蟹籽同蒸滑蛋，呢個全橙色嘅組合同富有豐富鮮味層次嘅茶碗蒸真喺冇得頂👍
再嚟嘅有味噌燒半殼蠔🦪、爽嫩嘅鹽燒白鱔串燒同香口雞軟骨串燒，大廚嘅調味功架可以話相當了得👏，調味唔會因為太重手同太鹹而搶咗食物本身嘅鮮味，
估唔到白鱔配埋日本兵庫縣有馬山椒醬又幾夾😎
✝️牛肉稻庭烏冬
將煮到半生熟嘅美國牛肉片鋪滿喺煙韌彈牙嘅稻庭烏冬上面，未食就已經覺得吸引🤤，濃厚牛羶香嘅牛肉片帶有軟綿綿質感，可以Encroe食多幾塊😝
最後送上抹茶雪糕，
仲叫多咗杯Mocktail——Fruit Body($68)🍹，用咗紅莓汁、菠蘿汁、雪碧同紅糖水去沖調，當中仲有粒粒藍莓同菠蘿肉，清甜有氣又解渴😌
Post
