金色不如帰 (國際金融中心商場)

Open Now

Now Closed

係香港食拉麵多數唔係豚骨就係雞白湯，今次就試下啲另類野，亦係金色不如帰嘅貝汁。下午時間黎到唔洗等就直接有位👍🏽 而最好係呢啲時間都仲有Set食，有拉麵 有小食 仲有野飲😋🟡 貝汁醬油拉麵 + 糖心蛋一上枱就已經聞到好香，原來貝汁湯底之外佢地亦都加左牛肝菌粉同黑松露醬，唔怪之得一上枱個陣香氣已經撲鼻，飲第一啖湯已經試到貝汁嘅鮮甜，配合埋面頭啲黑松露醬簡直一流。唯獨係拉麵份量少啲，食完有啲到喉唔到肺嘅感覺😛糖心蛋亦都處理得好好，一咬落去好香嘅蛋黃就一擁而出😍🟡 豚肉餃子呢個係日本經常見到嘅椰菜豬肉餃，正正常常嘅味道，反而蘸嘅醬汁較得幾好，唔會太酸