Video
Read full review
2021-09-19
432 views
慶祝生日當然要食我地鍾意嘅海鮮啦，今次黎到呢間朋友推介嘅一人海鮮鍋。訂枱時有註明係生日，希望俾張靜啲嘅枱我地。店員好好地安排一張高枱角落俾我地。我地叫咗一個<八府巡按>套餐。前菜小食有刺身(甜蝦、北寄貝、帆立貝)同炸物(雞翼、炸餃子)。刺身冇雪味，好鮮甜。炸物好入味，外皮炸到脆脆。餃子比較油，雞翼好嫩滑。之後就黎到海鮮船❤️❤️有半邊龍蝦、半隻蟹、元貝、蜆、蝦、鮑魚、魚片、刀貝。枱面上有指示教我地每種唔同食物要蒸幾耐，跟住指示調教蒸鍋計時器就得。我地每次蒸嘅食物都係一樣，所以我就懶冇set計時器🐷諗住跟佢嘅計時器就得。試過幾次先發覺如果唔較計時器佢係唔會開爐😂我原來一直用緊啲熱水嘅餘溫蒸，唔怪得蒸唔熟🙈🙈店內有魚缸，啲海鮮全部好新鮮，上枱時啲蝦仲好生猛。海鮮清洗得好乾淨，最難洗嘅鮑魚都有刷過。我最鍾意嘅龍蝦同蟹好多膏，鮮甜彈牙。半邊龍蝦大大隻，要用手指頂住先閂到蓋，起穀之後大啖大啖肉咁食，實在太幸福❣️蟹肉都好結實。蜆有一隻開咗之後有沙，店員收蝶時見到就換咗另一隻俾我地。每人仲有兩份肉類、三粒丸同蔬菜。我覺得海鮮蒸鍋配翠玉瓜同南瓜都好正。蒸任何一種海鮮時搵佢地墊底，可以吸晒海
刺身
20 views
0 likes
0 comments
我地叫咗一個<八府巡按>套餐。前菜小食有刺身(甜蝦、北寄貝、帆立貝)同炸物(雞翼、炸餃子)。刺身冇雪味，好鮮甜。炸物好入味，外皮炸到脆脆。餃子比較油，雞翼好嫩滑。
八府巡按海鮮船
20 views
0 likes
0 comments
之後就黎到海鮮船❤️❤️有半邊龍蝦、半隻蟹、元貝、蜆、蝦、鮑魚、魚片、刀貝。
龍蝦
19 views
0 likes
0 comments
蟹
11 views
0 likes
0 comments
枱面上有指示教我地每種唔同食物要蒸幾耐，跟住指示調教蒸鍋計時器就得。我地每次蒸嘅食物都係一樣，所以我就懶冇set計時器🐷諗住跟佢嘅計時器就得。試過幾次先發覺如果唔較計時器佢係唔會開爐😂我原來一直用緊啲熱水嘅餘溫蒸，唔怪得蒸唔熟🙈🙈
店內有魚缸，啲海鮮全部好新鮮，上枱時啲蝦仲好生猛。海鮮清洗得好乾淨，最難洗嘅鮑魚都有刷過。我最鍾意嘅龍蝦同蟹好多膏，鮮甜彈牙。半邊龍蝦大大隻，要用手指頂住先閂到蓋，起穀之後大啖大啖肉咁食，實在太幸福❣️蟹肉都好結實。蜆有一隻開咗之後有沙，店員收蝶時見到就換咗另一隻俾我地。
每人仲有兩份肉類、三粒丸同蔬菜。我覺得海鮮蒸鍋配翠玉瓜同南瓜都好正。蒸任何一種海鮮時搵佢地墊底，可以吸晒海鮮汁。
最後可以揀麵底或粥底。我地兩個都揀咗粥底，去到尾聲店員就會過黎幫你將粥膽倒落去。我地太太太飽啦，將食唔晒嘅雞肉同丸倒落去打邊爐，再果斷決定打包😂食完甜品雪米磁就滿足落樓。
希望今餐生日海鮮餐你會滿意🦞🦀🐟
P.S. 性價比真係好高，好想偷偷地黎食lunch
P.S.2 感謝笨手笨腳的我遇上一邊笑我寸我一邊溫柔幫我剝殼的你❣️生日快樂
Post
