Beerliner German Bar & Restaurant (Closed)

衣家週未可以喺沙田新城市廣場食飯係一件好幸福嘅事，而幫襯呢間德國餐廳，最主要原因就係見佢有個open area對住條街，諗住咁樣一邊食野一邊飲啤酒會好爽，點知入到去先知道原來嗰個open area係唔open嘅，無計啦，坐入面照食啦。先講野食，我地4個人叫咗德國豬手同埋德國香腸拼盤，豬手夠入味，而且唔「鞋」，皮又夠脆，好味；至於個香腸拼盤係就係貴少少，不過食得出d腸係真係好味d，我自己覺得佢嘅肉香味好過出面一d德國餐廳。啤酒方面，想飲d少見d嘅牌子，所以揀咗Benediktiner，呢隻麥啤嘅麥味好香，我就覺得佢好味過E字頭嗰隻，大家有機會都可以比較下。