Beerliner German Bar & Restaurant (Closed)

今年同好朋友既生日飯就揀左呢間、朋友介紹既西餐廳，生日飯就緊係要見得下人啦😂呢間唔只見得人，野食都好正，價錢都合理最好就係點2款甜品就可以免切餅費。我地食完都好滿足

衣家週未可以喺沙田新城市廣場食飯係一件好幸福嘅事，而幫襯呢間德國餐廳，最主要原因就係見佢有個open area對住條街，諗住咁樣一邊食野一邊飲啤酒會好爽，點知入到去先知道原來嗰個open area係唔open嘅，無計啦，坐入面照食啦。先講野食，我地4個人叫咗德國豬手同埋德國香腸拼盤，豬手夠入味，而且唔「鞋」，皮又夠脆，好味；至於個香腸拼盤係就係貴少少，不過食得出d腸係真係好味d，我自己覺得佢嘅肉香味好過出面一d德國餐廳。啤酒方面，想飲d少見d嘅牌子，所以揀咗Benediktiner，呢隻麥啤嘅麥味好香，我就覺得佢好味過E字頭嗰隻，大家有機會都可以比較下。

Chose this German eatery with credit card discounts - decided to try the slow cooked pig knuckle instead of its crispy and oily counterpart. The meat was so tender that it practically melted in my mouth and was perfect with the coleslaw; we had a number of sauces to choose from, we liked the fruity one best. The sole fillet was unexpectedly generous in portion - lightly pan fried to a golden yellow and was crunchy and fresh. The chips and mashed potatoes were of the usual quality - good enough I

今日兩個人出左沙田買野，見差唔多食飯時間，就食埋先返去。揀左間食德國菜的餐廳，香港少Ｄ地方有得食，比較新鮮，但而家原來開到入黎沙田都有。德國菜出名大份，我地兩個人唔食得幾多，就要兩樣最經典的名菜，德國燒豬手同埋香腸拼盤。黎到係兩樣加埋好大嘅一份咁，好大堆頭。燒豬手OK，個皮唔係話太硬，一定要新鮮食辣食，凍左就會又油又硬好難攪。醃得透，又唔過咸，唔錯。我地都好中意食腸，所以食親德國野都好期待個香腸拼盤。就咁睇好似每款腸一條唔係好多，但其實加加埋埋都差Ｄ食唔哂。個人心水係白色果款，但其實有隻SPICY的都唔錯。作為食肉獸，我地依餐梗係食得好滿足啦。不過依Ｄ野都幾漏，食一次要等一排先會想再食。

**Beerliner German Bar & Restaurant**Sha Tin Shop行過見到有SET LUNCH,百 有湯 + 沙律+ 主菜 + 甜品都幾抵食 我就要左200g澳洲肉眼牛扒配紅椰菜+炸薯角及黑松露肉汁 HKD158牛扒有少少over cook左 ，餐湯係龍蝦🦞湯沙律🥗係無花果巴馬臣火腿沙律，份量好多！甜品係Gelato 雪糕 🍦而同行友人就散嗌，要左蕃茄黑松露醬大蝦意粉 HKD175 , D料都算多 唔係得意粉SET LUNCH 咁多野食，決定下次再黎！

今日只有我湊呀女，我地去完行街，又唔太肚餓，我地就去搵間餐廳坐底食下野。我地去左Beerliner German Bar & Restaurant食德國菜，餐牌種類選擇多，有沙律、麵包、德式濃湯、意粉、飯、烤肉、海鮮，以家仲有狂熱啤酒節酒類好多款選擇有進口生啤、德國手工樽裝啤酒、無酒精啤酒、德式烈酒、無酒精雞尾酒、雞尾酒、有汽酒、玫瑰紅酒等等我地點左個香煎龍脷柳配特式鮮菜沙律及薯條龍脷柳好長而且仲好厚身，龍脷柳表面煎到好香、口感好嫩滑，而且一D都唔腥，還保留到魚汁，還有小朋友至愛既薯條，炸得金黃香脆，點埋我至愛既蜜糖芥末一齊食，要同呀女爭食白酒煮青口-青口份量好多，青口好嫩又夠鮮，一D臭青味都冇，好鐘意佢既醬汁，好好味，同青口好夾。橙汁只係$42就咁大杯

好姊妹生日，一早已經約Beerliner German Bar & Restaurant 同佢慶祝生日，食餐生日飯，我地7點到達，冇人等位，但到7點半，已經9成滿座。海鮮烤肉拼盤（限量供應）（$438）好大份，夠晒兩個女仔食，入面有龍蝦尾、烤肉眼扒、燒羊架、辣肉腸，伴黑松露薯蓉及香橙牛油汁。黑松露薯蓉睇見都飽，因為好大碗，黑松露味道濃郁，薯蓉好滑身最欣賞就係燒羊架，燒羊架有3大舊，燒得非常香口，羊架肉質好軟腍，羊羶味好濃郁，烤得剛剛好另外肉眼扒點了8成熟，非常厚身，肉味濃，帶點嚼勁Fashion ($52)無酒精雞尾酒，菠蘿味比較重，飲落好清新，唔太甜

中午想食豬手，醒起向沙田新城市地下有呢間幾好食既德國🇩🇪餐廳。之前食過幾次，印象都幾好！星期六中午1點幾到，唔洗等位，直入✔️Baby friendly ✔️(有小朋友位同埋餐具）兩大一細 嗌左兩份一齊食單點：⭕️水煮德國豬手陪酸椰菜及薯蓉 $238聲稱係慢煮5小時，同平時食開脆脆地個款唔同。的確呢款冇咁鹹，較容易入口，小朋友都中意食！👍分量來講，比想像中多，一個人食一定食唔晒😆，最後仲打包左一半走～～Lunch set :⭕️香煎豬腩肉配鮮菇忌廉汁燴扁意粉$98忌廉汁配合得好好，creamy得來又唔會太杰包左前菜（蘋果沙律）同餐湯（忌廉湯），仲有一份甜品（雪糕）同餐飲（we ordered lemon tea)。呢個價錢簡直係超抵食，份量都好足！埋單個陣，會自動捐贈$1去女性乳癌基金（冇聽錯既話🤔）想食德國野，推介大家黎試試！

今日成家同媽媽補祝生日，同媽媽食緊係要食好d，食豪d，所以選左呢間Beerliner 餐廳食德國菜，好彩book左位，一去到就可以入座，店內以德國式佈置，整體有格調，座位坐得舒適。食物方面，點了媽媽最愛的德國豬手配德國腸，小食併盤，海鮮焗飯和辛辣大蝦意粉。最值得推介的是德國豬手配德國腸，豬手皮脆可口，肉質鬆軟，加上香料的中和，食多了也不覺油膩，而德國腸更是精彩，有3款不同口味提供，而每款德國腸既肉汁非常豐富，一口咬落，油香充斥在口腔內。飲品方面，我們點了杯cocktail和兩杯mocktail，cocktail 酒味濃郁帶甜，很適合女士們，而mocktail方面，果味調配比例適當，不會太甜太淡，用餐後飲可淨化口腔油份。

約埋舊同事一齊食lunch , 以往新城市廣場只得一間德國野（唔開名喇總之好難食啦) , lunch time 所以好少食。同舊同事聚舊當然想坐得舒服，佢推介去Beerliner，原來係以前School Food個位。以lunch 來講呢度價錢算中高，所以無全滿，好快就有位。兩個人點左set lunch 各一，有湯、沙律、main dish 、餐飲、甜品。真係好多野食，又大份。我點左德國腸set，真係好食，酸菜味道剛剛好。因為大份，建議一齊share食。朋友嘅豬亦都好食😋唯一係是日餐湯龍蝦湯，味道怪怪地，好似溝出來咁。

每星期回沙田娘家都要諗食咩。爸爸就話有間德國菜唔錯，大份又啖啖肉，好岩佢心水。位於新城市廣場地下，菜式選擇都算多，淨係揀腸仔都頭痕！前菜叫左個白酒煮青口份量都算大，有二十隻左右。每隻都充滿白汁。白酒煮的白汁味道濃郁，減輕左青口的腥味。香煎紐倫堡腸配酸椰菜及薯蓉咁多選擇中我揀呢款係因為佢有薯蓉。之前黎過覺得呢度嘅薯蓉好好食，又香又滑;所以配焗薯的我都不考慮😂根據之前食過的腸仔，各種都好食而且各有特色,腸衣又脆唔會咬唔開。德國豬手之前食過幾次，老豆話今次試下其他。於是揀左德國黑麥啤燒乳豬配椰菜甘筍絲沙律及紅酒燴洋蔥。乳豬燒得好靚，色澤金黃均勻。皮脆卜卜好似食薯片咁，皮同肉中間夾住油脂，咬落滿口油香，肉又嫩，不愧係bb豬。食一件乳豬又食一啖沙律可以中和油膩感，好味又減低罪惡感。服務方面都不錯，店員主動提供籃子放私人物品於櫈底。每道菜之間又主動更換碟👍🏻

呢間嘅set lunch 好超值！又有水準🤤👍🏻cp值高呀！！👏🏻重點係好大份！食到勁飽😆.煙三文魚泡芙 $93賣相好吸引！！🧡好好食咁🤤食後整體味道係好味，不過泡芙唔夠鬆脆🙈.每個set會跟煙燻鴨胸薯仔火箭菜沙律配黑醋汁同龍蝦濃湯，味道唔錯架👌🏻.鮮蝦及車厘茄扁意粉配龍蝦汁 $88鮮蝦好爽口！扁意粉夠彈牙👍🏻不過太多意粉😂而汁落得唔夠多🙈大碟到好吃力先清晒🤣盡量唔浪費食物💪🏻呢個真係好抵食呀！.自家製德式香腸拼盤配紅椰菜及燒薯 $138又係好大份！😂有幾款唔同嘅德國腸，好食，不過有啲係過鹹🙈如果有得送薯蓉一齊食會更好😋.燒烤汁手撕豬肉意式燴飯 $108味道調得好，手撕豬肉遍布個飯嘅四周🤣好足料！啖啖滿足🤤好快ko了！.果日嘅跟餐甜品係抹茶雪糕💚好濃郁、好creamy！估唔到跟餐甜品都咁高質呀👏🏻焗鮮蘋果卷 +$45賣相幾好，好多肉桂蘋果粒，幾好味🤤

我想沙田新城市，人流是最多的商場之一，平日及假期餐廳都是滿滿的人排隊等食飯，（Beerliner German Bar & Restaurant）這德國餐廳也不例外，因為要食好嘢所以我哋今晚等了好內，但都是值得。豬手醃得好入味，燒烤到外皮脆卜卜，肉質嫩滑，不會嚡口，食起來啖啖肉，配埋幾款醬汁帶出不同的味道，食時不會太肥膩。其中一款德國腸，皮脆肉質結實香濃。不同味道的德國腸，有墨西哥辣椒芝士腸、香煎紐倫堡腸等，有不同的味道同口感，超正。Chef Combo$438 份量十足有德國咸豬手、德國腸、薯條、薯蓉及兩杯無酒精雞尾酒。薯條厚肉，新鮮香口。Mocktail好清爽，清凉透心。

提起德國餐廳，腦入面一定即時諗起Beerliner，可惜聽就聽得多，咁耐以黎一直未有機會試。 今晚朋友工作事務好煩心，就陪佢黎大杯酒大塊肉放鬆下。睇餐牌選擇真係好多，咁岩見Chef Combo ($438)有齊我地想食既秘製德國鹹豬手同德式香腸 ，仲有兩杯無酒精雞尾酒，台台都有叫，一於就叫一客啦。落單冇耐就上菜，開頭都擔心會唔脆，但其實係台台都叫，貨如輪轉所以整定左好多都係岩岩出爐。 德國鹹豬手份量十足，店員先俾我地影相打卡，之後就即席幫我地切開幾份。鹹豬手如想像般皮脆肉嫩，醃得好入味又嫩滑，餸酒一流。 幾鐘意配左幾款醬，包括芥末醬同甜甜地既燒烤醬，食落冇咁膩。德式香腸包括自家製墨西哥辣椒芝士腸、自家製得獎冠軍肉腸同香煎紐倫堡腸同，我最鐘意墨西哥辣椒芝士腸，一切開就爆汁，食到辣辣地既芝心好惹味，薯蓉亦好香滑。Combo仲包左兩杯無酒精雞尾酒，Honeymoon味道清新、較重梳打味， Vitamin C雖然係沙冰但飲落似果汁溝乳酸，好岩女仔口味。好傾好坐，輕鬆度過一晚。

很久没吃德國餐,趁星期六去揾食叫了1set lunch 及脆豬手。set lunch有沙律,龍蝦湯,主菜選了德國雜腸配薯仔,set還附有意大利雪糕及餐茶,這個set $138+10% 很划算沙律:沙律菜新鮮,配上黑醋汁剛剛好!龍蝦湯: 很重蝦湯味,如果可以再creamy就更好! 不過,是令人滿足的份量!雜錦腸: 雖然腸的款式有4-5款,我反而欣賞醬汁多一些! 腸的味道没有ㄧ款比較突出,我嫌不夠脆,內裏的内有點兒鬆散,不夠彈牙!意大利雪糕+冰檸茶: 今次的意大利雪糕是抹茶味,上面還灑上了朱古力碎,雪糕超好吃!冰檸茶份量大,檸檬片也適中!另外單點了脆豬手,其實我不是第ㄧ次點這個的,但是,上次比這次好吃些!這次的豬手,外皮仍然是脆的,但是,皮有點硬! 較難切斷! 而旁邊的酸菜,每次都覺得難吃! 總是有説不出的怪。 其它德國餐廳的酸菜,我每次也是吃光的!