銀座炎蔵燒肉

Open Now

Now Closed

通常嚟到荔枝角都係去工廠大廈搵食，朋友指路話D2 place 開左間燒肉店，望落好似幾好禁，搵埋我一齊去探下路可能開咗冇耐嘅關係，望落幾乾淨。你知啦，燒肉店成日有種油油地嘅感覺門口都寫咗啲set 嘅價錢，有平有貴任君選擇每樣都想試啲，所以冇嗌套餐，散嗌🔸點左兩款和牛，單點都有六塊一份，份量算不錯肉味香濃，油花好香又無筋🔸「龜之甲」我喜歡燒到佢嗰邊有少少燶燶哋咁樣食，帶有一點焦香，但係又唔會好鞋🔸「和牛貝身」我就喜歡燒到半熟🔸豬肩肉，講真本身冇乜期望，只係因為朋友話唔想食咁多牛所以先叫。點知食落勁有驚喜，一啲都唔臊，重好有口感。搞到我後尾encore 咗多次淨係食肉覺得有啲濟濟地，叫左個石鍋拌飯味道正常發揮，個份量令我幾有驚喜， $80有咁大碗，兩個女仔每人都食咗三碗消消濟當然要食啲海鮮啦，魷魚幾新鮮，燒一陣就可以食，唔腥又唔um。我同朋友一人食咗一條因為覺得喺屋企處理海鮮好麻煩，出街食到好食嘅，當然要encore總括嚟講，燒肉質素不錯，份量亦都大，雖然價錢有少貴，但住附近想食燒肉近近地我都會再嚟。另一個我幾欣賞嘅地方係雖然係燒肉店，但係餐廳入邊唔會覺得有好濃烈嘅燒烤味，通風做得幾好你知