Video
Read full review
2024-07-28
271 views
粥店裝修乾淨企理，價錢親民質素亦唔錯餐牌包括傳統粥品、生滾粥、腸粉、糉、油條、牛脷酥等炸物🎈黃沙豬膶粥私心最鍾意生滾粥，特別係豬膶粥好有驚喜厚切豬膶份量又多又大塊，口感粉嫩又帶點爽脆，加上薑絲、蔥花令味道豐富咗，大推👍🏾🎈艇仔粥 裡面有豬皮、魷魚、肉碎同花生🥜粥底夠綿，本身好夠味，加少少胡椒粉已經好正重點係食完唔會口渴，可以有下次🥣🎈叉燒腸腸粉皮薄身滑溜幾有彈性，叉燒切粒份量都唔少，配上甜豉油，經典港式滋味🎈布拉腸粉鍾意食腸粉最大原因係鍾意啲醬料🥢軟滑腸粉加惹味醬料好難抗拒每枱都擺放麻醬、甜醬、芝麻等醬料，鍾意食幾多自己加～🎈油炸鬼油炸鬼新鮮炸起又酥又脆，外面香脆內裡煙韌，香口得嚟好啱配粥食，上枱時已切件幾貼心
粥店裝修乾淨企理，價錢親民質素亦唔錯
餐牌包括傳統粥品、生滾粥、腸粉、糉、油條、牛脷酥等炸物
🎈黃沙豬膶粥
私心最鍾意生滾粥，特別係豬膶粥好有驚喜
厚切豬膶份量又多又大塊，口感粉嫩又帶點爽脆，加上薑絲、蔥花令味道豐富咗，大推👍🏾
🎈艇仔粥
裡面有豬皮、魷魚、肉碎同花生🥜粥底夠綿，本身好夠味，加少少胡椒粉已經好正重點係食完唔會口渴，可以有下次🥣
🎈叉燒腸
腸粉皮薄身滑溜幾有彈性，叉燒切粒份量都唔少，配上甜豉油，經典港式滋味
🎈布拉腸粉
鍾意食腸粉最大原因係鍾意啲醬料🥢軟滑腸粉加惹味醬料好難抗拒
每枱都擺放麻醬、甜醬、芝麻等醬料，鍾意食幾多自己加～
🎈油炸鬼
油炸鬼新鮮炸起又酥又脆，外面香脆內裡煙韌，香口得嚟好啱配粥食，上枱時已切件幾貼心
Post
