PHO 24 (Closed)

越式拼盤($86)每一樣食物都有兩件,岩曬我同女朋友,咩都可以試又唔洗爭。拼盤包蒜蓉包,扎肉,米紙卷,春卷,香茅雞翼。不過我地見香茅雞翼同牛油雞翼散叫都係一樣價錢,於是就膽粗粗問侍應可否將香茅雞翼轉牛油雞翼。點知佢問廚房又得喎,就係咁我地好似中獎咁有得食牛油雞翼啦。蒜蓉包熱食真的不錯,外脆肉軟。扎肉鹹鹹地,都不錯。辛苦換回來的牛油雞翼當然滿意啦,濃濃的牛油味,香脆的外皮,只係稍有乾身,不夠肉汁。春卷就不太好啦,唔夠脆,硬左。米紙卷幾清新,不過唔係個個都接受到香草的味道。至少本人覺得係臭。招牌牛肉湯河($59)為左咩都試,留然柯打招牌牛肉河,貪佢樣樣都有少少,可以多試味道。整個湯河都算中上,不得不提的是那神奇的牛丸,因為真的有"嘩然"的感覺。牛丸很彈牙,而且有滿滿的肉汁。咬了一啖,即刻將佢推介俾女朋友,佢仍都有驚訝既感覺。香茅豬扒湯檬($59)香茅豬扒炸得不錯,不過肉質就略乾身,豬扒都幾大塊。香蕉朱古力球($32)其實已經食到好飽,但女孩子見到咁靚的甜品還是忍不住,不過球裡是朱古力cream,好漏。雖然係店員熱烈推介,亦是店舖熱賣甜品,不過我覺得不是非常好味。