Video
Read full review
2024-11-14
0 views
今日應承咗屋企人，幫手帶姨甥女出去玩！因為去咗九龍灣，想搵間闊落舒服又有BB凳嘅餐廳，就帶埋bb女去咗牧羊少年cafe食晚餐！首先想講啲侍應真係好細心，會見到我哋揸住個BB車，幫手安排一個好嘅座位，然後再即刻安排BB凳BB餐具，對於我哋唔熟湊bb既人嚟講呢真係好窩心！而且所有位置呢都係好衛生，空間夠闊落，裝修都好靚！因為其實主要都係我同男朋友兩個食，所以都係叫咗沙律同埋主食，比想像中足夠！🥑🥭牛油果香芒烤雞沙律配日式胡麻醬🥗呢個好大碟，蔬菜水果都係好新鮮！仲可以分少少比BB女食，雞肉同芒果嘅配搭夾！配上胡麻醬好開胃，非常之好嘅前菜！呢個份量三個大人share都得！🦐🦐蝦頭油鳳尾蝦香辣肉碎意大利粉🍝呢個意粉一嚟到嘅時候，我哋都覺得好夠份量，而且大蝦嘅數量一啲都唔吝嗇！食落非常爽口，屬於西式嘅口味意粉，但係我哋兩個都覺得好惹味，唔算好辣，不自覺會食多咗！🐷🐷炙燒荷蘭汁豬肉排因為沙律同埋意粉都好唔錯，我哋都想試埋佢哋嘅小食！呢個豬肉排又係份量好多，呢個荷蘭汁有少少似沙律醬咁樣，食落酸酸甜甜，配豬排都好夾！令到個豬排唔會有太油膩既感覺。而且食落呢啲豬排係好腍身好入味。凍溫煮桂花黑糖茶男朋友點咗
今日應承咗屋企人，幫手帶姨甥女出去玩！因為去咗九龍灣，想搵間闊落舒服又有BB凳嘅餐廳，就帶埋bb女去咗牧羊少年cafe食晚餐！首先想講啲侍應真係好細心，會見到我哋揸住個BB車，幫手安排一個好嘅座位，然後再即刻安排BB凳BB餐具，對於我哋唔熟湊bb既人嚟講呢真係好窩心！而且所有位置呢都係好衛生，空間夠闊落，裝修都好靚！
因為其實主要都係我同男朋友兩個食，所以都係叫咗沙律同埋主食，比想像中足夠！
🥑🥭牛油果香芒烤雞沙律配日式胡麻醬🥗
呢個好大碟，蔬菜水果都係好新鮮！仲可以分少少比BB女食，雞肉同芒果嘅配搭夾！配上胡麻醬好開胃，非常之好嘅前菜！呢個份量三個大人share都得！
🦐🦐蝦頭油鳳尾蝦香辣肉碎意大利粉🍝
呢個意粉一嚟到嘅時候，我哋都覺得好夠份量，而且大蝦嘅數量一啲都唔吝嗇！食落非常爽口，屬於西式嘅口味意粉，但係我哋兩個都覺得好惹味，唔算好辣，不自覺會食多咗！
🐷🐷炙燒荷蘭汁豬肉排
因為沙律同埋意粉都好唔錯，我哋都想試埋佢哋嘅小食！呢個豬肉排又係份量好多，呢個荷蘭汁有少少似沙律醬咁樣，食落酸酸甜甜，配豬排都好夾！令到個豬排唔會有太油膩既感覺。而且食落呢啲豬排係好腍身好入味。
凍溫煮桂花黑糖茶
男朋友點咗呢個，試左有淡淡的桂花味，而且唔係好甜！岩唔飲咖啡嘅朋友！
凍黑糖牛奶咖啡
呢個咖啡豆同平時飲嘅唔同，我覺得係有少少花香味！黑糖配牛奶再加咖啡真係冇得輸
🍰紅絲絨蛋糕
因為坐落真係太舒服啦，雖然好飽，但係都好想食一個甜品做總結！蛋糕都幾有驚喜喎，唔會過分甜，蛋糕清香，忌廉算係薄身！做飯後甜品實在太好😆
呢間餐廳俾我嘅感覺係好舒服，服務好好，一定會再返嚟！而且佢係一個適合一家大細或者小人傾偈嘅好地方！
‼️好食指數9/10
‼️推介指數9/10
🍽 牧羊少年咖啡館 (九龍灣)
📌 九龍灣偉業街33號德福廣場1期平台P26號舖
☎️ 3468 3233
⏰ 星期一至日 11:00 - 22:00
#Cafe #牧羊少年咖啡館 #意粉 #hkfoodie #香港美食
Post
