Video
Read full review
2022-11-03
1934 views
記得好耐之前幫襯過一次「Prime Pho」，嗰時仲喺晌「擺花街」窄窄嘅舊鋪，因為嗰次有少少即興，亦唔方便影相，所以，食評就無寫喇。最近，先知佢搬咗去嘉咸市集「My Central」樓上，而正正約咗朋友食飯聚一聚，故就不如揀佢啦，就晒我，收工行過去都得嘛。雖然「My Central」位置有少少隱蔽，但對晌中環返工嘅我，當然唔難搵，而比起舊鋪，呢度大好多，裝修簡約，水泥地，水泥牆，有少少似工業風嘅感覺。入門靠右全行都是面壁位，適合一、兩人，尤其放午飯時間，呢啲面壁位好搶手；而再入啲，就好見到好多四、六人枱，配以射燈，感覺唔錯，加上晚市較少人，用餐輕鬆。睇店名，你都估到主打就喺越式湯粉，不過，搬到嚟新鋪，菜式就再進化，唔單止有湯粉，仲有沙律、炸物、越式小食、主菜、米紙卷、米紙薄餅、甜品、啤酒及特色飲品，可謂夠晒悅目。此外，枱旁仲插咗一張餐牌，原來喺一啲特色飯品，為「飯桶」客人提供多一啲選擇。雖然想試嘅嘢好多，但簡簡單單試咗一款小食、一款越式法包及其招牌湯河。青檸梳打 $35近排天氣叫涼咗，不過，有時又熱番，老友揀杯青檸梳打志在想爽吓。杯內唔止有半個青檸晌度，仲加咗好多薄荷葉，加上有汽嘅梳打
雖然「My Central」位置有少少隱蔽，但對晌中環返工嘅我，當然唔難搵，而比起舊鋪，呢度大好多，裝修簡約，水泥地，水泥牆，有少少似工業風嘅感覺。入門靠右全行都是面壁位，適合一、兩人，尤其放午飯時間，呢啲面壁位好搶手；而再入啲，就好見到好多四、六人枱，配以射燈，感覺唔錯，加上晚市較少人，用餐輕鬆。
睇店名，你都估到主打就喺越式湯粉，不過，搬到嚟新鋪，菜式就再進化，唔單止有湯粉，仲有沙律、炸物、越式小食、主菜、米紙卷、米紙薄餅、甜品、啤酒及特色飲品，可謂夠晒悅目。
此外，枱旁仲插咗一張餐牌，原來喺一啲特色飯品，為「飯桶」客人提供多一啲選擇。雖然想試嘅嘢好多，但簡簡單單試咗一款小食、一款越式法包及其招牌湯河。
青檸梳打 $35近排天氣叫涼咗，不過，有時又熱番，老友揀杯青檸梳打志在想爽吓。杯內唔止有半個青檸晌度，仲加咗好多薄荷葉，加上有汽嘅梳打，所以，非常之酸香清爽，襯晒一陣間個炸物小食
莞茜梳打 $35之前就已經試過莞茜可樂，覺得又幾OK喎，所以，貪得意試試莞茜梳打。一睇就見有好多莞茜蓉浮晒晌面，聞到聞得到嗰陣陣莞茜嘅草青味，入口莞茜味好強勁，一湧而出，感覺清爽，又無話好怪。
炸賓墟 $58一客有4件，賣相色彩繽紛，睇餐牌就知，以越南特色小食炸米餅為基礎，加上蔥油、越南沙嗲醬、櫻花蝦同豬肉鬆，仲有啲黑魚籽，配上一片蕃茜，做得精緻。入口米餅香脆不膩，味道紛陳具層次，一口米餅，一口梳打，真喺夠晒爽呀！
炸賓墟
$58
6 views
0 likes
0 comments
火燒牛腩越式法包 $88越式法包一向都幾有特色，目測大概有8吋長嘅法包塞滿好多餡料，有牛腩肉、扎肉、雞肝醬、酸蘿蔔絲、生菜、金不換，包得大大份，一啖過咬落去真唔喺件易事，然而，法包外層超脆，包心軟綿，所有食材混合起嚟令味道多元，口感豐富，仲伴有4片蝦片過過口癮添。
Prime Pho bo $148 越式湯河有一款叫「火車頭」，即喺大堆頭嘅什錦湯河，然後，呢一碗招牌湯河可以叫做超級火車頭，單睇牌面，寫到明餸料就有封門柳、牛脷、牛腩、牛丸、牛展、牛筋、牛尾同扎肉，配上自家製油條 ，而湯底喺24小時熬煮嘅牛湯，好大碗，夠2-3人共享。
Prime Pho Bo 招牌湯河
$148
8 views
0 likes
0 comments
自家製嘅油條亦具亮點，因為混入咗金不換搓成嘅蓉，入口陣陣香味，可以講喺越式嘅意大利香草包，不妨又沾少少牛湯嚟食，另有一番滋味。
而啲餸料，雖然無逐樣影出嚟，但份量絕無欺場，一次過試到咁多唔同牛嘅部位，啱晒多心嘅客人。試晒各部位後，真喺無咩好挑剔，最愛就喺封門柳、牛脷同牛尾，皆因肉味同肉質，都喺別具特色。
今餐雖然都喺食越南嘢，但前後試咗幾樣嘢，都各有賣點，喺一餐不平凡嘅越南菜。不得不提，店員除招呼好之外，對食物都甚了解，問佢哋少少有關菜式及食材嘅嘢，都對答如流。
Post
