喜萬年酒樓

Open Now

Now Closed

隔了一段時間冇去喜萬年，有D掛住它的豬肚鷄焼賣。星期六約12點、冇訂位的情況下，居然有位。人齊了！叫點心食先水晶鮮蝦腸（蝦好大隻，粉亦很滑）蝦餃（蝦依舊大隻，皮有D厚）古法馬拉糕（冇乜特別）蠔皇柚皮鴨掌（柚皮好好味，媽咪話嘅。因為本人不食的）豬肚鷄燒賣（當然要食豬肚啦！點知一咬......原全唔係嗰回事！走晒樣冇晒味！難食！好似雪咗9年咁、冇味兼好硬。失望👎🏻)香煎韭菜蝦餅（韭菜太少、失敗）蜆芥鯪魚球（一般、不夠香兼太大粒。食一粒已經好飽）煎釀虎皮尖椒（夠香！好味）椰汁紅豆糕（不合格！質地太硬冇香味）薑汁雙皮奶（不過不失）總括嚟講，點心份量太大（每份都好大，不精緻）兼水準真的同之前有分別！下降中！希望下次再食到好味嘅懷舊點心啦！