Video
Read full review
2018-11-10
687 views
※本文以用餐當日的環境、服務和食物質素為準，口味亦因人而異，文章只作參考之用。-第三次黎漁一，地下個層主打外賣，堂食要上二樓。鍾意佢地有自選丼飯，食物款式選擇多唔算貴，偶然都會過黎食飯。餐牌部分自選丼飯 $162揀左希靈魚x2、油甘魚x2、油甘魚腩x2、三文魚腩x2、中拖羅x1、蔥吞拿魚腩蓉x2元朗區食丼飯既餐廳唔多，仲可以自己揀既真係無邊幾間，自選刺身飯可以揀晒自己鍾意食既刺身，開心好多！希靈魚同三文魚腩都是男人的愛好，無食到便不作評論。而小妹叫的兩款油甘魚都好重魚味，唔會雪到好凍或太實；蔥吞拿魚腩蓉係小妹既至愛，怕一份唔夠拌飯食一口氣叫兩份，魚味突出，味道正常，加埋蔥拌飯一流！壽司叫左火灸蟹肉棒（2件）$12、火灸左口魚裙邊（2件）$16、大拖羅（2件）$72、中拖羅 （2件）$52、魚一焦糖鵝肝 （2件）$64蟹肉同左口魚都係正常味道，不過左口魚建議可以燒耐少少，將魚油迫出更好食。魚一焦糖鵝肝，鵝肝份量不大燒得頗香，面頭仲有層灸燒過的無糖脆脆，可一試。中拖羅賣相偏紅比較似赤身，但係食落去魚味同魚脂都有；大拖羅就好明顯見到有筋，不過入口魚脂頗重，雖然不能同貴價拖羅入口即溶個隻比，不
-
第三次黎漁一，地下個層主打外賣，堂食要上二樓。鍾意佢地有自選丼飯，食物款式選擇多唔算貴，偶然都會過黎食飯。
餐牌部分
自選丼飯 $162
揀左希靈魚x2、油甘魚x2、油甘魚腩x2、三文魚腩x2、中拖羅x1、蔥吞拿魚腩蓉x2
元朗區食丼飯既餐廳唔多，仲可以自己揀既真係無邊幾間，自選刺身飯可以揀晒自己鍾意食既刺身，開心好多！
希靈魚同三文魚腩都是男人的愛好，無食到便不作評論。而小妹叫的兩款油甘魚都好重魚味，唔會雪到好凍或太實；蔥吞拿魚腩蓉係小妹既至愛，怕一份唔夠拌飯食一口氣叫兩份，魚味突出，味道正常，加埋蔥拌飯一流！
壽司叫左火灸蟹肉棒（2件）$12、火灸左口魚裙邊（2件）$16、大拖羅（2件）$72、中拖羅 （2件）$52、魚一焦糖鵝肝 （2件）$64
蟹肉同左口魚都係正常味道，不過左口魚建議可以燒耐少少，將魚油迫出更好食。
魚一焦糖鵝肝，鵝肝份量不大燒得頗香，面頭仲有層灸燒過的無糖脆脆，可一試。
中拖羅賣相偏紅比較似赤身，但係食落去魚味同魚脂都有；大拖羅就好明顯見到有筋，不過入口魚脂頗重，雖然不能同貴價拖羅入口即溶個隻比，不過呢個價錢唔貴，黎過下口癮既話質素可接受。
燒白膳 $48
呢串燒白膳真係燒得幾好食，火喉適中，燒至魚皮咬落脆口，魚肉嫩滑仲帶有脂香，好食！
明太子雞翼2隻 $30、蒜香帶子2隻 $38
無骨雞翼咬落中間塞滿微辣的明太子，夠晒惹味；蒜香帶子的帶子較為細粒，唔係好食到帶子的味道，不過蒜蓉就好惹味，性價比唔高。
Post
