Video
Read full review
2021-09-23
783 views
適逢每個月嘅紀念日要食好啲💐，專程去之前Bookmark左想食嘅「活一鮮」~晚市無Book位😛，等咗兩張枱就有得入座。特別要留意二人檯好細，上菜又會一口氣上晒，完全唔夠位放食物😵💫，甚至放住喺廚房先食完再上，變到食得有啲急促，建議建議建議大家要分開叫⚠️！可以叫咗小食/前菜先，再叫壽司或主食。放開肚皮同銀包盡情落單👛，兩個人計埋加一$640埋單。望住好colourful嘅壽司，視覺同味覺上都得到滿足~ ————————————————👅鮮壽司（$158/12款）前面甜蛋嗰碟係呢個set，以下壽司每款一件：🔸三文魚腩：正常水準🔸黑松露油甘魚：食咗冇咩特別亮點🔸京蔥醬鱆紅魚：只有淡淡魚甜味，飯醋味重👍🏻珍寶甜蝦：甜蝦有手指尾咁粗，漿口口感後甜味徐徐而止🔸紫蘇墨魚：重酸梅醬同紫蘇味，墨魚只有口感🔸蔥吞拿魚腩：同下面單點一樣🔸蟹膏：蟹膏味有啲太重，比平時濃郁三倍🔸海膽：同下面單點一樣👍🏻三文魚籽：一家大細都食晒，好殘酷但好味，鮮味中帶點酒香🔸帆立貝：正常水準👍🏻醬燒三文魚：辛辣蛋黃醬同蔥辣味作主調炙燒後迫晒魚油出嚟，值得一試🔸玉子小食：有啲湯汁唔鞋，煎到一層層又似蛋糕質感👅三文魚壽司（$16/
特別要留意二人檯好細，上菜又會一口氣上晒，完全唔夠位放食物😵💫，甚至放住喺廚房先食完再上，變到食得有啲急促，建議建議建議大家要分開叫⚠️！可以叫咗小食/前菜先，再叫壽司或主食。
放開肚皮同銀包盡情落單👛，兩個人計埋加一$640埋單。望住好colourful嘅壽司，視覺同味覺上都得到滿足~
————————————————
👅鮮壽司（$158/12款）
前面甜蛋嗰碟係呢個set，以下壽司每款一件：
🔸三文魚腩：正常水準
🔸黑松露油甘魚：食咗冇咩特別亮點
🔸京蔥醬鱆紅魚：只有淡淡魚甜味，飯醋味重
👍🏻珍寶甜蝦：甜蝦有手指尾咁粗，漿口口感後甜味徐徐而止
🔸紫蘇墨魚：重酸梅醬同紫蘇味，墨魚只有口感
🔸蔥吞拿魚腩：同下面單點一樣
🔸蟹膏：蟹膏味有啲太重，比平時濃郁三倍
🔸海膽：同下面單點一樣
👍🏻三文魚籽：一家大細都食晒，好殘酷但好味，鮮味中帶點酒香
🔸帆立貝：正常水準
👍🏻醬燒三文魚：辛辣蛋黃醬同蔥辣味作主調
炙燒後迫晒魚油出嚟，值得一試
🔸玉子小食：有啲湯汁唔鞋，煎到一層層又似蛋糕質感
👅三文魚壽司（$16/2件）
👍🏻三文魚唔係魚腩都夠香夠油，唔錯
.
👅帆立貝壽司（細$20/1件）
🔸帆立貝唔算好鮮甜，還好
.
👅柚子胡椒油甘魚（$28/2件）
👍🏻 軟嫩肉質帶有輕輕有一層油感，柚子胡椒香而不辣
.
👅牡丹蝦壽司（$38/1件）
👍🏻我食蝦係追求嗰種膠口又爽爽地嘅肉感，呢件都滿足到，唯蝦頭有啲啲腥
.
👅火炙芝士虎蝦壽司（$20/2件）
🔸直接食緊食材，蝦還蝦，芝士還芝士，相對普通
.
👅蔥吞拿魚腩壽司（$35/2件）
👍🏻有魚香嘅吞拿魚球大過飯，無筋又無紫菜包住，成個口感好柔軟，蔥白碎可以清新中和返魚味
.
👅海膽壽司（$38/2件）
👍🏻海膽入口化開，甘甜又唔腥，每件份量夠滿足，另一件有啲腥要醬油辟味
👅牛油果軟殼蟹卷（$64/6件）
🔸 牛油果味佔上風，蟹殼咬落索索聲，一致認為呢份叫多咗，二人份食到好飽
👅骨付雞肉腸（$32/2本）
🔸 其實就係雞肉腸包住一條骨，好多汁Juicy，腸衣有啲咬勁
👅燒牛脷（$48/2本）
👍🏻 牛舌一串有4件，切得夠厚好彈牙，本身調味已經足夠，如果加埋檸檬汁更加清爽
.
👅天婦羅烏冬（$84）
🔸 天婦羅炸衣偏硬同痴牙，烏冬紮實彈牙，食好啲可加$10轉稻庭烏冬，有南瓜、冬菇、秋葵同蝦天婦羅，性價比好高
————————————————
🚩總結：質素同性價比兼備，有下次！
————————————————
🌟注意：餐廳有一個儲分計劃，但係要光顧咗第一次先可以享用優惠，反正到最後我哋都係唔記得儲分
————————————————
📍 活一鮮
地址：大角咀埃華街91號大衞樓地下2A號舖
.
🗺地區：#bem大角咀
📥分類：#bem日本菜
💰人均消費：#bem_201至400蚊
Post
