Video
Read full review
2022-12-14
535 views
呢間餐廳我bookmark 咗一段時間，終於都有機會入赤柱食🥹見佢啲菜式幾特別，又係食日本野，仲要每樣價錢都係$100-200左右，其實都唔算貴。餐廳環境唔錯，仲有户外位可以揀。和風鰻魚梳乎厘飯$148淨係嗰外觀已經一流😎梳乎厘好蓬鬆，撩開入邊係鰻魚同埋飯，隔離附有支湯汁，倒埋落嗰飯入面，食落去有啲似茶泡飯咁樣，味道唔算好濃烈，加埋啲蛋食落好順口，完全唔會有負擔感😋明太子白飯魚薄餅$128又係未見過嘅配搭嚟，上面除咗明太子同白飯魚仲有一啲菇類，啲配料毫無違和感，不過白飯魚就無咩味，呢款pizza底比較薄，最好一上就即刻食，如果唔係好快就凍哂啦。蔥吞拿魚牛油果他他$108吞拿魚蓉上面有牛油果醬同魚子花椒油，旁邊有啲黑醋，配埋紫菜一齊食，口味好豐富但係又幾清新喎。不過嗌之前完全唔知牛油果醬入面有wasabi🥶咁啱朋友唔食wasabi，淨係食咗啲吞拿魚，不過佢話都好好食🤤自家製免治雞肉丸$68雞肉丸入面有啲雞軟骨，食落口感唔錯，有款日式醬油加蛋黃可以點，鹹鹹甜甜咁。@eating_everydayday
呢間餐廳我bookmark 咗一段時間，終於都有機會入赤柱食🥹見佢啲菜式幾特別，又係食日本野，仲要每樣價錢都係$100-200左右，其實都唔算貴。餐廳環境唔錯，仲有户外位可以揀。
和風鰻魚梳乎厘飯$148
淨係嗰外觀已經一流😎梳乎厘好蓬鬆，撩開入邊係鰻魚同埋飯，隔離附有支湯汁，倒埋落嗰飯入面，食落去有啲似茶泡飯咁樣，味道唔算好濃烈，加埋啲蛋食落好順口，完全唔會有負擔感😋
明太子白飯魚薄餅$128
又係未見過嘅配搭嚟，上面除咗明太子同白飯魚仲有一啲菇類，啲配料毫無違和感，不過白飯魚就無咩味，呢款pizza底比較薄，最好一上就即刻食，如果唔係好快就凍哂啦。
蔥吞拿魚牛油果他他$108
吞拿魚蓉上面有牛油果醬同魚子花椒油，旁邊有啲黑醋，配埋紫菜一齊食，口味好豐富但係又幾清新喎。不過嗌之前完全唔知牛油果醬入面有wasabi🥶咁啱朋友唔食wasabi，淨係食咗啲吞拿魚，不過佢話都好好食🤤
自家製免治雞肉丸$68
雞肉丸入面有啲雞軟骨，食落口感唔錯，有款日式醬油加蛋黃可以點，鹹鹹甜甜咁。
@eating_everydayday
Post
