Video
Read full review
2016-01-05
518 views
五香牛腩撈粗走蔥，依然係獨孤一味 99% 都只係食依樣。不過今次質數大跌，失水準喎 ﹗係咪因為將近 11 點收檔所致呢？五香牛腩雖然炆得香甜味美，但口感乾鞋硬齊晒囉。粗麵就滑溜彈牙又清爽，魚湯濃郁清香，保持水準。五香牛腩粗麵走蔥，幫襯左幾年絕大部份時間都係食撈粗，今朝就試一試湯粗啦 ﹗噢，第一次黎學利食早餐，比得兩塊仔牛腩同兩舊仔牛腩，少得可憐喎，琴晚賣剩貨黎架？早餐同晚餐份量差咁遠架咩？定係撈麵同湯麵之分呀？牛腩好少、粗麵好少、湯汁好多，大海撈針好痛苦，賣相好差，完全提唔起食慾。牛腩碎味道可以，但又鞋又韌，劣質。五香牛筋腩粗麵走蔥，食左咁多次牛腩最差今次，而且仲係第一次叫牛筋腩湯麵，每次都係食撈麵架乍。牛腩乾硬，鞋烚烚又碎濕濕，牛筋硬屈屈。份量又少，得兩細舊牛腩加兩大舊牛筋。雖然係炆得入味香甜，但質地強差人意，好失望。以往食開既撈麵每次都好好食，唯獨今次湯麵差得那麼利害。牛腩墨魚丸河走蔥，專登試河粉，經常都係食麵，睇下您點先。河粉只係略略灼過，浸一浸，口感實淨，滑而不棉。聽聞過依度既炸墨魚丸好食，我其實想叫炸架，一時口快快講錯左添。墨魚丸一般貨色，應該係外購喇，口感硬實、粉多死實，仲
五香牛腩粗麵走蔥，幫襯左幾年絕大部份時間都係食撈粗，今朝就試一試湯粗啦 ﹗噢，第一次黎學利食早餐，比得兩塊仔牛腩同兩舊仔牛腩，少得可憐喎，琴晚賣剩貨黎架？早餐同晚餐份量差咁遠架咩？定係撈麵同湯麵之分呀？牛腩好少、粗麵好少、湯汁好多，大海撈針好痛苦，賣相好差，完全提唔起食慾。牛腩碎味道可以，但又鞋又韌，劣質。
五香牛筋腩粗麵走蔥，食左咁多次牛腩最差今次，而且仲係第一次叫牛筋腩湯麵，每次都係食撈麵架乍。牛腩乾硬，鞋烚烚又碎濕濕，牛筋硬屈屈。份量又少，得兩細舊牛腩加兩大舊牛筋。雖然係炆得入味香甜，但質地強差人意，好失望。以往食開既撈麵每次都好好食，唯獨今次湯麵差得那麼利害。
牛腩墨魚丸河走蔥，專登試河粉，經常都係食麵，睇下您點先。河粉只係略略灼過，浸一浸，口感實淨，滑而不棉。聽聞過依度既炸墨魚丸好食，我其實想叫炸架，一時口快快講錯左添。墨魚丸一般貨色，應該係外購喇，口感硬實、粉多死實，仲食到有馬蒂喎。
炸魚皮，第一次試味，掉落湯睇睇效果先，即時叫得好大聲又悽厲 ﹗霹靂啪喇，證明炸得透徹、乾爽香脆，好似薯片又薄又脆卜卜。由細到大我都喜歡將炸魚皮浸湯食，仲要浸到半腍半脆半索汁先食，熱辣辣又含大量湯汁又可以令魚皮無咁咸，好好味啊 ﹗魚清湯，程奶白色非常香濃味美，趁熱飲鮮甜無比，好想全部一啖飲晒去。但當浸完魚皮後，已經無剛才既熱騰騰喇，飲落有點偏咸喇。
什錦魚蛋河加腩汁，唔記得依個餐叫咩名，總之就係多款唔同既魚蛋啦，有魚角、魚蛋、魚片、魚腐、炸魚蛋。大大粒勁圓既雪白魚蛋跟金黃炸魚蛋，每粒一模一樣，倒模出黎咁款，味道帶咸香及清淡魚味，質地假爽而不彈牙，麻麻地。魚角炸過非常香口，質地比魚蛋富彈性，但對我黎講太過咸啊。反而魚片同魚腐就正常喎，滿意。河粉堅廷硬淨，我較喜歡棉滑質感的呢。
至尊三寶河，魚蛋、魚片、炸魚蛋，雖然個名有魚蛋兩個字，但魚蛋真係麻麻地架喎。魚蛋咬落微彈，淡魚味帶少少咸香，合格但唔算出眾囉。魚片質量都係差不多，無什麼驚喜或特別可言，不過不失。河粉烚耐一點就更好啦，可以更棉滑又可以比時間索索湯更好味。
五香牛腩粗麵走蔥
10 views
0 likes
0 comments
炸魚皮
49 views
0 likes
0 comments
炸魚皮
28 views
0 likes
0 comments
牛腩墨魚丸河走蔥
13 views
0 likes
0 comments
五香牛腩撈粗走蔥
15 views
0 likes
0 comments
什錦魚蛋河加腩汁
12 views
0 likes
0 comments
五香牛筋腩粗麵走蔥
11 views
0 likes
0 comments
至尊三寶河
24 views
0 likes
0 comments
Post
