部屋咖啡室

部屋咖啡室係一間充滿活力同歡樂氣氛嘅Cafe，主打Pizza、意粉、Burger同炸物小食等多元化菜式，加埋多款創意特色飲品，絕對能滿足唔同人嘅口味需求。呢度仲提供各款特色桌遊，同場都有唔少年輕人嚟聚會同娛樂，亦有慶祝生日嘅打工仔。但餐廳環境相對緊湊，座位之間嘅距離較近，不過食物質素我幾滿意，係一個適合朋友聚會、放鬆玩樂好地方。二人餐 $388✨忌廉蘑菇洋蔥煙三文魚意粉意粉質感彈牙，忌廉醬濃郁而不膩，蘑菇同洋蔥帶出天然香氣，煙三文魚鹹香豐富咸鮮味。整體口感細膩又層次分明，係一道既香濃又滿足嘅西式主菜。✨西西里Pizza Pizza底香脆鬆軟，茄醬濃郁酸甜，辣肉腸帶微辣刺激，腸肉粒鹹香惹味，蘑菇清新提升層次，火箭菜增添一絲草本香氣，令整個口感更有平衡感。✨越式炸蝦餅蝦餅炸至金黃酥脆，外層脆口，內裡蝦肉鮮甜彈牙，鮮味十足。搭配越式酸甜蘸醬，既解膩又增添獨特風味。✨水果茶 +$33滿載橙片、蘋果片、西柚片同檸檬片嘅水果茶清香自然，果味與茶香完美融合，酸甜適中又清新解渴。加上微甜蜂蜜，口感更加順滑，好適合配餐同消暑嘅健康飲品。✨小紅帽 (士多啤梨奶) +$23鮮奶香濃細膩，配合士多啤梨嘅天然甜