PURADAK CHICKEN (將軍澳中心)

Open Now

Now Closed

📍行開將軍澳中心都冇咩機會食過呢間韓式炸雞，見而家排隊嘅人冇咁多，今日一於試吓！半半炸雞($238)，佢嘅炸雞比其他韓式炸雞嘅味道多同特別，有黑炸雞(炸醬)、青陽辣椒MAYO味、羅勒味同粟米濃湯味等。我哋揀咗瘋狂蒜香同帕布羅味，前者除咗用咗蒜蓉仲有蜜糖嘅清香味，後者就會比較濃，係韓國甜甜地果香醬油嗰種味，啲雞用咗先焗後炸，香脆得嚟又幾juciy，食落又唔會膩！叫咗魚糕湯($138)兩大吋串魚糕，底下個湯仲會再有啲魚糕片同菇菇，份量都幾足料同清味，配埋炸雞都幾夾。牛肉紫菜飯卷($68)就正正常常～唔夠飽嘅都可以叫嚟食。