綠林甜品

Open Now

Now Closed

係深水埗食完晚餐，點少得去食埋個糖水，朋友去開的綠林甜品，雖人流多，但夠大又多位，燈光仲好光猛，糖水款式都多選擇。楊枝甘露豆腐布丁 $45楊枝甘露糖水好正，有芒果香，甜中帶微酸，水果味好實在，金柚清爽多汁，西米比例多，幾足料。豆腐布丁好滑好彈，味道清淡，少少豆味，配任何糖水都夾到。紅豆、花生、熱豆花、小丸子配抹茶雪糕 $44未食睇落感覺好似撞到爆，又凍又熱，又豆花又雪糕咁，但原來個味又幾好。抹茶雪糕配紅豆，甜度剛好，熱豆花加埋花生又香又滑，不過豆味唔算好重，仲有煙韌小丸子增加咬口，味道口感都豐富左，原來好多配料都夾到豆腐花。