一喜車仔麵

Open Now

Now Closed

呢間車仔麵有兩間分店，今次去咗尖沙咀嘅分店，裝修有啲懷舊，門口嘅車仔麵檔車仔幾有特色！呢度嘅車仔麵配料有超多選擇，仲有潮汕特色小食，麵底有銀針粉揀，超正！🔸豪華九寶麵 $59唔知揀咩餸，揀呢個九寶麵就啱晒！有9樣餸，牛腩、瀨尿牛筋丸、瑞士汁雞翼、魷魚丸、豬紅、豬皮、蘿蔔、紅腸、時菜～ 超級豐富！揀咗油麵同加牛腩汁，啲餸整體都幾好味，最鍾意豬紅、蘿蔔同魷魚丸！豬紅入味又夠滑，蘿蔔大舊清甜又夠腍，魷魚丸有啲驚喜，幾爽口彈牙！有魷魚粒粒，推薦試下👍🏻🔸自選車仔麵🤍銀針粉$14🤍豬紅$12🤍蘿蔔$12🤍瑞士汁雞中翼$15🤍秘製菜肉餃$15另一碗自選揀咗銀針粉，比較少車仔麵店有呢個選擇，銀針粉份量多，夠入味又有咬口，好味！秘製菜肉餃同想像中有啲唔同，係細細隻嘅，味道都唔錯～加$18要多個椒絲腐乳通菜👍🏻🔸汕尾紫菜四寶 $49配黃金雞湯，鹹咗少少，但幾好飲，下次配下麵食先😋 四寶有瀨尿牛筋丸、汕尾馬鮫豬肉丸、有魷魚的魷魚丸，同埋汕尾小米粿～ 小米粿即係豬肉粉粿，細細粒，個皮似有啲似粉菓皮，幾煙韌好食！呢個潮汕小食但得試吓😆 不過唔知點解無紫菜畀我哋🤣🔸咖喱三寶 $45叫多咗個小食試吓，個咖喱比想像