Video
Read full review
2022-12-21
130 views
平時去大南街café chill就去得多，估唔到除左café仲有好多特色小店，經朋友推介有日夜晚去Poke Go試下，今次係我第一次食夏威夷式魚生飯，既興奮又期待啊！餐廳裝備簡單，帶點日式感覺，門口仲有部懷舊電視播緊MV，等位都唔怕悶。平日夜晚去等位大約10分鐘，我地分別叫左signature bowl 808同埋 Shoyu Ahi。本身我以為Poke Bowl係懶晒健康、食唔飽人嘅打卡食物，點知兩碗飯送到黎，份量大到嚇我一跳！808材料包括吞拿魚、壽司飯、沙律菜、和式青蔥、枝仁豆、三文魚籽、雜菌香菇、山葵乳酪醬、芝麻、木魚絲。Shoyu Ahi材料就有吞拿魚、壽司飯、芝麻海帶、和式青蔥、紫洋蔥、鰹魚醬油、芝麻、木魚絲。兩款都好足料，每啖都食到各種食材，吞拿魚好fresh好腍，海帶係畫龍點睛之處，配鰹魚醬油好夾！我地仲叫左一個和風炸雞同埋一杯杯avocado smoothie，牛油果味超濃，質感好creamy。最後我地都食唔晒，份量實在太大，咁嘅價錢食到咁高質素的Poke Bowl，真係好推介。
餐廳裝備簡單，帶點日式感覺，門口仲有部懷舊電視播緊MV，等位都唔怕悶。平日夜晚去等位大約10分鐘，我地分別叫左signature bowl 808同埋 Shoyu Ahi。
本身我以為Poke Bowl係懶晒健康、食唔飽人嘅打卡食物，點知兩碗飯送到黎，份量大到嚇我一跳！
808材料包括吞拿魚、壽司飯、沙律菜、和式青蔥、枝仁豆、三文魚籽、雜菌香菇、山葵乳酪醬、芝麻、木魚絲。
Shoyu Ahi材料就有吞拿魚、壽司飯、芝麻海帶、和式青蔥、紫洋蔥、鰹魚醬油、芝麻、木魚絲。
兩款都好足料，每啖都食到各種食材，吞拿魚好fresh好腍，海帶係畫龍點睛之處，配鰹魚醬油好夾！
我地仲叫左一個和風炸雞同埋一杯杯avocado smoothie，牛油果味超濃，質感好creamy。
最後我地都食唔晒，份量實在太大，咁嘅價錢食到咁高質素的Poke Bowl，真係好推介。
Post
