Video
Read full review
2024-06-02
233 views
今晚突然間想食中菜，你俾我呢隻海鮮怪見到佢啲海鮮做緊孖寶價，澳洲龍蝦再加四隻蟶子都只係$500。個龍蝦我哋揀咗芝士伊麵底，其實我自己本身唔係太好芝士，一見到佢呢盆嘢咁大盆都俾佢嚇親。但係好彩佢呢隻芝士嘅味道唔會太勁，鹹鹹香香，仲可以拉絲添，配埋呢個伊麵，簡直係一絕，我都食咗兩碗。講返個主角澳洲龍蝦，真係啖啖肉，嚿嚿都好大嚿，最重要係夠晒新鮮彈牙，超鮮甜，簡直係冇得輸呀呢個價錢。另外就係四隻蟶子真係超大隻，仲要有滿滿嘅粉絲，夠晒飽。不過可能真係蒸耐咗少少，有少少韌。然後我哋仲叫咗一個蒜蓉炒西蘭花，味道啱啱好，西蘭花都夠爽脆，清清地解一解膩。喺埋單之前職員仲想買個甜品俾我哋，今晚係紫米露。超超好食，因為佢個甜度啱啱好，唔會係死甜，完全係一個完美嘅落幕。兩個人食，其實真係好飽，另外呢度啲職員真係好貼心。因為見你上一道菜未食完佢會幫你留低個蓋等佢唔好咁快凍咗，亦都好主動會幫你換碟同埋分菜，呢樣依家真係好少中菜會咁樣做。
個龍蝦我哋揀咗芝士伊麵底，其實我自己本身唔係太好芝士，一見到佢呢盆嘢咁大盆都俾佢嚇親。
但係好彩佢呢隻芝士嘅味道唔會太勁，鹹鹹香香，仲可以拉絲添，配埋呢個伊麵，簡直係一絕，我都食咗兩碗。
講返個主角澳洲龍蝦，真係啖啖肉，嚿嚿都好大嚿，最重要係夠晒新鮮彈牙，超鮮甜，簡直係冇得輸呀呢個價錢。
另外就係四隻蟶子真係超大隻，仲要有滿滿嘅粉絲，夠晒飽。
不過可能真係蒸耐咗少少，有少少韌。
然後我哋仲叫咗一個蒜蓉炒西蘭花，味道啱啱好，西蘭花都夠爽脆，清清地解一解膩。
喺埋單之前職員仲想買個甜品俾我哋，今晚係紫米露。超超好食，因為佢個甜度啱啱好，唔會係死甜，完全係一個完美嘅落幕。
兩個人食，其實真係好飽，另外呢度啲職員真係好貼心。因為見你上一道菜未食完佢會幫你留低個蓋等佢唔好咁快凍咗，亦都好主動會幫你換碟同埋分菜，呢樣依家真係好少中菜會咁樣做。
Post
