FLAT IRON STEAK

Open Now

Now Closed

前一排同朋友聚會，留意到中環有間餐廳 Flat Iron Steak 逢星期二 1.2kg T骨扒半價優惠，於是特登book咗位 trial 一 trial。間餐廳真係好full，所以最好都係book位定位，環境唔會太嘈 好適合一班朋友聚會傾計。我哋五個人見係半價所以嗌兩份medium T骨扒同埋每人一杯cocktail。其實餐牌係寫住每份係兩人份量 如果多男仔嘅話可能要嗌多啲嘢食。首先每份T骨扒都會配一大碗沙律同埋薯條，睇相都見到其實份量好多，沙律菜係經過醬汁調味嘅，個薯條就已經充滿住香辣粉 ，好有誠意製作。T骨扒一邊係菲力另一邊係西冷，呢一set簡直係肉食愛好者的盛宴 T骨扒燒到金黃焦香，鎖住咗肉汁，菲力同埋西冷雙重口感都畀你食到雙重口感，調味簡單 突顯牛肉的天然風味，鍾意嘅亦都可以點下黑椒粒、海鹽、或者黃芥末試下唔同風味，T骨扒本身都好夠味道，我自己就點啲海鹽就已經覺得好好食。😝請大家多啲like❤️同share🎤等我多啲動力幫大家去trial更多美食。