大壹燒鵝 (啟田大廈)

Open Now

Now Closed

今晚又得我地兩老食。好耐都冇去藍田大壹燒鵝食晚飯，所以今晚就去大壹燒鵝食晚。因為今日係星期四，有2人餐，三餸一湯$298。呢個餐只限平日星期一至四才有（公眾假期除外）。不過外賣就星期一至日都有。呢個餐實在超抵食。如果唔大食，講真四個人都食到。今晚只得我地兩個，所以食到好飽好飽。每人一盅湯，今日係節瓜豬骨湯原本想叫 叉燒，但已沽清。最後我地叫咗滑蛋炒蝦仁，正宗滑蛋，真係好滑，蝦仁大大粒。仲有沙律菜伴碟，賣相唔錯馳名紅酒燴牛尾，牛尾好淋，加埋洋蔥，西芹，小紅蘿蔔，蕃茄及薯仔一齊煮，非常入味。又可以攞汁撈飯。瑤柱海味雜菜煲， 材料豐富。好多瑤柱，冬菇，鮮魷，蝦干，粉絲，什菜。湯底清甜。