壹火鍋

Open Now

Now Closed

放工去咗食火鍋任食。我哋平日6:00入座，先$209一位。無限追加時段刺身$50/位，無限追加和牛$50/位。追加鮑魚海鮮船都只係$50/位。我哋叫咗椰子雞湯底。雞肉係另上嘅，個湯越煮越甜。估唔到刺身質素唔錯，三文魚腩好肥美。同埋好值得加$50無限追加和牛。安格斯牛小排同SRF和牛肉眼都好正。但我最推薦嘅都係海鮮船。真係活海鮮嚟，估唔到咁平都食到。同埋種類好豐富包括海蝦、鮑魚，連珊瑚蚌都有。自助區有唔少任食嘅火鍋配料同飲品，當然唔少得雪糕。仲可以用QR code落單嗌火鍋料。金錢牛展肉味濃郁，好值得試！