Video
Read full review
2018-06-16
242 views
近排工作超忙，每次同另一半見面都係匆匆食個快晚餐， 縱使毫無怨言，但都似乎冷落了對方，趁剛完成手上嘅project，就即做功課搵餐廳同另一半真真正正撐枱腳，眾裡尋他發現「E Molto Buono」，搵到一間人氣高企嘅意法餐廳，即訂定位等我倆享受一個難忘的晚上⋯⋯yeah！為營造驚喜氣氛，事前我無講今晚喺邊間餐廳撐枱腳，初時仲驚唔識搵，原來從Time Square向鵝頸橋方向，穿過橋底巴士站、再過埋鵝頸橋，過條小馬路即向左，只係行前一陣右邊即見霎西街，就到我哋嘅目標「E Molto Buono」！一出𨋢踏入餐廳，另一半即被周圍環境所吸引，舒適情調嘅裝飾佈置，未開餐另一半已經滿意十足+心心眼😍！服務方面更絕對稱得上酒店式殷勤招待，從入座、點菜上菜、用餐期間到埋單，服務員都非常留意食客所需，每上一道菜更細心介紹與配搭，令所有食物都盡量發揮其最好味道，超讚！話明係補返之前我嘅忙碌冷落，今晚撐枱腳就食盡去，先叫兩杯Cocktails溫馨對飲。剛巧餐廳生蠔買一送一，當然即order兩款唔同生蠔俾另一半品嚐，再加上兩個晚餐，就成為今晚我倆二人世界嘅美食啦！先嚟兩杯酒 🍸，分別為：<Cham
為營造驚喜氣氛，事前我無講今晚喺邊間餐廳撐枱腳，初時仲驚唔識搵，原來從Time Square向鵝頸橋方向，穿過橋底巴士站、再過埋鵝頸橋，過條小馬路即向左，只係行前一陣右邊即見霎西街，就到我哋嘅目標「E Molto Buono」！
一出𨋢踏入餐廳，另一半即被周圍環境所吸引，舒適情調嘅裝飾佈置，未開餐另一半已經滿意十足+心心眼😍！服務方面更絕對稱得上酒店式殷勤招待，從入座、點菜上菜、用餐期間到埋單，服務員都非常留意食客所需，每上一道菜更細心介紹與配搭，令所有食物都盡量發揮其最好味道，超讚！
話明係補返之前我嘅忙碌冷落，今晚撐枱腳就食盡去，先叫兩杯Cocktails溫馨對飲。剛巧餐廳生蠔買一送一，當然即order兩款唔同生蠔俾另一半品嚐，再加上兩個晚餐，就成為今晚我倆二人世界嘅美食啦！
先嚟兩杯酒 🍸，分別為：
<Champagne Cocktails>
Amore — Lychee Liqueur, Rose syrup, Pineapple juice, Champagne
<Signature Cocktails>
Bikini — Peach Liqueur, Mango juice, Orange juice, Grenadine
兩杯Cocktails炮製得非常特別、各俱特色，我倆一齊舉杯碰飲就展開序幕！
生蠔買一送一超抵食，兩款生蠔分別係法國-Ancelin Special & 西班牙-Spain Pearl：
法國蠔非常鮮甜又爽口，一入口充滿著幸福感覺；西班牙珍珠蠔即超級creamy香濃，食完仍滿滿海水鮮甜蠔甘甜味。兩款生蠔各有特色，我倆兩款都超鍾意！
生蠔：Ancelin Special & Spain Pearl
14 views
0 likes
0 comments
哈哈，食完生蠔後，就進入晚餐起始既”自家製麵包配廚師特色麵包醬”啦。
三款麵包分別有：香草包、芝麻墨汁包、芝士脆餅，每款自家製麵包麵好好食，各有質感特色，再配以香草茄子醬或辣肉腸南瓜醬，簡直提升味覺，超正！
<Starter>
法國鵝肝凍配杏脯千層酥皮：鵝肝凍先配上點點的杏脯蓉，口感獨特好好味；之後再與無花果跟千層酥皮一齊食，又另一享受，正！
煙燻法國嫩鱔配柚子西芹合桃沙律：嫩鱔先同底部白酒啫喱，再跟合桃沙律食，超醒胃清新，大大開了我倆胃口⋯⋯哈哈！
法國鵝肝凍配杏脯千層酥皮 & 煙燻法國嫩鱔配柚子西芹合桃沙律
11 views
0 likes
0 comments
<Soup>
鮮蘆筍蟹肉忌廉濃湯：充滿濃濃蟹肉味又帶上淡淡蘆筍味忌廉濃湯，簡直無法抗拒。
法式鮮蝦清湯：餐廳超細心，用壺盛載清湯，上枱時先即時，確保清湯仍保持熱騰騰，超讚！而鮮蝦非常非常爽口，一個有深度嘅蝦清湯。
鮮蘆筍蟹肉忌廉濃湯 & 法式鮮蝦清湯
12 views
0 likes
0 comments
<Entree>
主菜前再上Entree，非常特別又豐富-
焗白菌蟹肉卷，鮮蕃茄中東米沙律配黑魚子：食材豐富嘅蟹肉卷配合中東米沙律，每層口感都唔同，食材互相作用，好好食！
鮮蘆筍蟹肉忌廉濃湯 法式焗白菌蟹肉卷，鮮蕃茄中東米沙律配黑魚子
11 views
0 likes
0 comments
香煎鵝肝配馬沙娜酒燴鳳梨：煎得兩面香脆，超級甘香的鵝肝配上特製鳳梨，簡直美妙至極！
香煎鵝肝配馬沙娜酒燴鳳梨
11 views
0 likes
0 comments
餐廳又一細心舉動，主菜前送上番石榴雪葩，給食客清一清口腔，迎接品嚐主菜👍🏻👍🏻
番石榴雪葩
9 views
0 likes
0 comments
<Main Course>
黑白芝麻焗白鱈魚，法式燴雜菜配墨魚忌廉汁：魚皮香口油脂比例平均的鮮味鱈魚，配上墨魚汁，再加上豐富多彩蔬菜，超好味！
黑白芝麻焗白鱈魚，法式燴雜菜配墨魚忌廉汁
20 views
0 likes
0 comments
慢煮茶香法國白鴿：慢煮製法令鴿肉口感提升，出奇地與花生糖碎既脆甜非常配合，再加上黑松露薯蓉，簡直超級美味！
慢煮茶香法國白鴿
10 views
0 likes
0 comments
<Herbal Tea & Daily Dessert + Petit Fours>
最後花茶再搭上兩款Daily Dessert分別為-
綠茶焦糖燉蛋：綠茶純香嘅Creme Brulee搭上紅豆係最住配合，勁正！
櫻桃乳酪芝士慕絲配金巴利啫喱：又係一個內容豐富既甜品，每啖都食出唔同口感，超幸福！
另外餐廳最特別又窩心既係訂位時，大家溝通其間會知道我今次晚餐目的，但我都有說話想跟另一半講，告知餐廳後，餐廳就係慕絲甜品碟上送上此朱古力字，就只留俾我另一半啦，令佢超級大驚喜開心，真的Super多謝餐廳安排！
壓軸係Petit Fours，有蝴蝶酥、榛子果仁朱古力、咖啡朱古力，好好味，簡直甜在心頭！
一餐完美的撐枱腳晚餐，另一半超級感動又感恩，餐廳既所有安排與美食，令我倆有個難忘的晚上。買單前原來Like和Share Facebook + 現金付款會有折，或者又有85折Coupon可以下次（除特別日子）用，我倆下次慶祝必定再來撐枱腳！
Post
