Video
Read full review
2023-12-18
19 views
我唔係成日去食omakase，今次嘅experience比左我好好印象😍間鋪頭就話係跑馬地，其實係好近銅鑼灣，利園行過去都得，唔洗怕麻煩！今次我地嘅menu如下：先付昆布鰈魚、岩手縣海老、鴨肉、銀杏、糖清栗子 & 本之子 (秋刀魚、松茸、菇)總括嚟講，每一樣嘢食都有佢嘅特色，但係所有嘢食又好夾，唔會覺得有邊啲食材搶咗另一啲食材嘅味道。小食炸沙甸魚魚苗我都係第一次食沙甸魚苗，師傅將佢變成一塊塊好似薯片咁，特別之作。Sashimi 刺生平目魚 (魚肉同沿側) / 香箱蟹 / 石川寒鰤 / 八爪魚刺身、吸盤配醬油漬Wasabi / 佐賀赤貝、北海道白見貝 / 武士蠔 / 北海道三文魚子配蘿蔔蓉揀其中幾款我鍾意嘅介紹下 - 香箱蟹係師傅原隻幫我地拆，我平時係會搞到d肉散曬，特別係腳肉😂 師傅當然專業，完整上碟。隻蟹好鮮甜，d肉好嫩，果然係師傅的pick！本人就好鍾意食八爪魚，所以當然鍾意師傅揀嘅八爪魚😍 條八爪魚好大隻，淨係一隻腳已經好似我對腳咁長，所以個吸盆都好大粒，好新鮮，好有嚼口，但係又唔係嚼唔開，係我食過最好食嘅八爪魚。北海道三文魚子配蘿蔔蓉都好surprise，其實平時我對三文魚子
間鋪頭就話係跑馬地，其實係好近銅鑼灣，利園行過去都得，唔洗怕麻煩！
今次我地嘅menu如下：
先付
昆布鰈魚、岩手縣海老、鴨肉、銀杏、糖清栗子 & 本之子 (秋刀魚、松茸、菇)
總括嚟講，每一樣嘢食都有佢嘅特色，但係所有嘢食又好夾，唔會覺得有邊啲食材搶咗另一啲食材嘅味道。
小食
炸沙甸魚魚苗
我都係第一次食沙甸魚苗，師傅將佢變成一塊塊好似薯片咁，特別之作。
Sashimi 刺生
平目魚 (魚肉同沿側) / 香箱蟹 / 石川寒鰤 / 八爪魚刺身、吸盤配醬油漬Wasabi / 佐賀赤貝、北海道白見貝 / 武士蠔 / 北海道三文魚子配蘿蔔蓉
揀其中幾款我鍾意嘅介紹下 -
香箱蟹係師傅原隻幫我地拆，我平時係會搞到d肉散曬，特別係腳肉😂 師傅當然專業，完整上碟。隻蟹好鮮甜，d肉好嫩，果然係師傅的pick！
本人就好鍾意食八爪魚，所以當然鍾意師傅揀嘅八爪魚😍 條八爪魚好大隻，淨係一隻腳已經好似我對腳咁長，所以個吸盆都好大粒，好新鮮，好有嚼口，但係又唔係嚼唔開，係我食過最好食嘅八爪魚。
北海道三文魚子配蘿蔔蓉都好surprise，其實平時我對三文魚子係正常感覺，但係師傅加咗蘿蔔蓉升華咗個三文魚子嘅口感同埋鮮味。
石川寒鰤就係我第一次聽嘅，因為師傅會安排好多季節性海鮮，呢個就係其中一樣，寒就代表左冬天呢個季節。咁寒鰤又出奇咁好食，好爽身架！
季節料理
昆布醬油燒白子 & 海老真丈
我係第一次食白子，其實師傅都整得好好，只要佢唔同我講係白子嘅話，我真係完全唔知佢係白子，一啲腥味都冇，而且個口感都係平時食普通內臟嘅感覺，一啲都唔難入口。
Sushi 壽司
金目鯛 / 大分關鯖 / 福岡槍魷魚 / 帆立貝 / 秋刀魚 / 新鮮醬油漬赤身 / 中拖羅 / 大拖羅 / 海膽海苔包
總括嚟講全部都好好食，真係冇一件壽司係令我失望，而且師傅知道我哋都食得有啲飽，幫我哋調節咗個壽司飯嘅份量，令到我哋可以好好咁樣享受啲壽司。
我最鍾意就係福岡槍魷魚，中拖羅，大拖羅，同埋海膽。
本身我自己鍾意食魷魚，所以私心覺得魷魚好好食。魷魚軟腍得黎有d爽脆，仲有啲甜，而且師傅加咗芝麻葉提升咗魷魚鮮味嘅層次。
中拖羅魚嘅鮮味同埋油脂味分布得好平均，師傅仲俾我哋睇咗條魚有幾大條，真係見到啲魚肉紅噹噹，非常新鮮。
大拖羅方面，平時都會因為佢太油所以食唔到魚嘅鮮味，但係師傅就加咗鹽去平衡返，加咗鹽之後成個壽司即刻提左鮮，肥美之餘仲保留左魚嘅鮮味。
最後就係個海膽，海膽一啲都唔腥，而且師傅俾咗好多我地，成個口都係海膽嗰種鮮味，入口即化，非常之難忘。
甜品
蒸南瓜布甸配和歌山柿
師傅比嘅都係季節性食材，歌山柿當造，自然非常鮮甜。另外，第一次食南瓜布丁，師傅仲將南瓜皮都放埋入去，雖然有南瓜皮，但係一啲都唔嚡，又唔係死甜，唔錯。
Post
