寿々乃

Open Now

Now Closed

廚師發辦各家各法，洋溢師傅的個人風格，除此以外，原來師傅健談與否，亦可以有很大分別，跑馬地的「寿々乃」，主理人非常健談，營造好客氛圍，閑話家常，親切如在朋友家宴。晚上的廚師發辦每位收費$1880，配合精心配製的食物及新鮮的刺身食材，物有所值！先付新年首季，師傅刻意造出多款日式地道賀年食品，繼續喜氣洋洋。有丹波黑豆、栗子、日出魚蛋、雞蛋魚肉做的伊達卷及昆布卷等；舒適的食物，喚醒胃納。季節－新年清湯紅白顏色好意頭，蝦喻意長壽及身體健康、年糕喻意事事順利、雞代表五谷豐收，組合有意思，而柚子的作用是調味。刺身五點：長崎雉羽太．醋汁 即是石班，以醋汁調味，鮮甜味清，回甘悠久，我很喜歡。富山白蝦．鼓油一小疊已是幾十條的迷你白蝦，晶瑩剔透，奢華的美味。熊本縞鰺 貌似油甘魚，但級數高許多，肉質爽脆，配芥末鼓油食。炸沙甸魚苖迷你沙甸魚交織成一片片的脆餅，數數黑色的眼仔就知有幾十條之多，很香脆，少少鹹鹹地的味道很討好。北海道生北寄貝生的北寄貝，因此呈紫色而非常見的暗紅色，極爽口。水白瓜魚．芥末漬魚肉及爪管鴛鴦配，非常爽甜，蘸少許芥末漬，鹹鹹地很夾。季節料理之一：崑布醬油燒白子相比酸汁煮，我更愛燒白子，外脆

每次來到壽々乃，心裡總有一份期待。從多年前的太古店光顧至今，鄧師傅一如既往談笑風生，今次特意預訂日本直送新鮮毛蟹，只見師傳手起刀落，好快同蟹蟹講左再見😂 ，今次仲有海膽三重奏，由白海膽到紫海膽，再到馬糞海膽，有口福 （下集講）【前菜】 水雲配白海膽，入口的鮮甜與水雲的滑溜口感好融洽，唐墨與蘿蔔的清新搭配，恰到好處的鹹香。太刀魚、牛蒡同輕輕炸過的太刀魚骨刺入口酥脆【熱食】 澧魚清湯，帶點點柚子清香，鱧魚呢種細長魚，要用骨千刺（一種日本的去骨技術）目的是在保持魚肉完整的情況下，去除骨頭湯的口感極致清澈，卻又有一絲馥郁，溫潤又帶點涼意【毛蟹的藝術】 重頭戲自然是來自北海道的毛蟹。以四種形式呈現：刺身、茶碗蒸、天婦羅，最後甲羅燒。毛蟹刺身肉質細膩，鮮甜滿滿，蘸點清淡的醋橘，鮮味愈加豐富。茶碗蒸中的毛蟹出汁更是一絕，簡直是溫柔的鮮味轟炸。毛蟹天婦羅，最後再拆肉加甲羅燒，當日毛蟹超多膏，燒過後更是鮮濃愛媛縣 真鯛三重縣 甘海老關鯖 豐腴四國 真蠔@suzunojp

為慶祝好姊妹生日, 特意book咗呢間同事介紹嘅Omakase食dinner, 果然環境、氣氛、食物質素都好有水準, 令我地好滿意! 餐廳一排式座位, 師傅就只有一個, 細心幽默, 一個人主理食物, 質素有保持, 而且晚餐menu就只有一個。先送上先付: 銀杏、甘露煮栗子、唐墨，蘿蔔、明太子鯛魚同埋鹹鹹地有層次嘅太刀魚卷牛蒡鱧魚清湯：魚骨已切碎，魚質滑，湯底清甜真魚太、紫蘇花、酸醋、醋橘：脂肪少，有淡魚香，食到淡淡花香，魚邊帶少少筋胳甘海老 wasabi: 爽滑creamy，甘香鮮甜靜崗甘目鯛：魚皮經滾水焯過，更爽，淡淡鮮魚香富山炸白蝦：香口不油北海道水8爪魚，吸盤、鬚，醬油漬wasabi：爽脆吸盤釀入wasabi漬：一咬爆開，一迅間攻鼻刺激，口感味道同樣一流！筋子：比平時食嘅三文魚籽size小一點，更爽脆，混合蘿蔔蓉食，味道不會過於鹹天婦羅粟米：天婦羅炸皮透薄，分別有黃粟米、白栗米, 突顯到白粟米更清甜多汁炸白蝦丸：軟彈多汁，味道鮮甜，可稱得上是為這道和食而來縞鰺：魚質緻滑細緻帆立貝 昆布漬醃過：口感軟滑，後徑有微微昆布味關鯖：超嫩魚質，鮮香滋味槍魷魚：紫蘇葉點驟調味，爽滑，鮮味中帶

寿々乃位於跑馬地，係銅鑼灣利舞臺附近，唔難搵🤗。雅 MIYABI $1,880先付🌟黑豆🌟官崎縣沢蟹🌟鯛魚昆布漬🌟太刀魚卷牛蒡🌟長夜蘆筍季節🌟京都名物 鱧魚清湯脂肪少，口感相對較為清淡爽口，師傅預先把魚骨細切，令魚肉更順滑。刺身五點🌟鱸魚 - 嚟自四國嘅鱸魚肉質結實，帶有少許甜味。🌟間八 - 嚟自鹿兒島嘅間八口感一流☺️，味道比真鯛還要淡🌟甘海老 - 嚟自三重縣嘅甘海老甜肉質細綿，味道清甜🥰。🌟水八爪魚(腳和吸盤) - 師傅係面前親手將約長1.2米八爪魚腳🦑嘅吸盤切下，保證新鮮。吸盤好爽口，中間放少少wasabi，非常好味😋。另外八爪魚腳新鮮煙韌，同樣好味🥰。🌟紫海瞻 - 嚟自岩手縣嘅紫海膽，師傅話即使是同一批海膽，亦有不同味道，但同樣口感幼滑，味道甘甜。季節料理二品🌟粟米天婦羅 -北海道白粟米和 長崎 黄粟米，炸衣薄身，味道清甜🌟海老吓丈海老真丈 - 即係炸蝦丸😆，師傅話入面係由大約4️⃣0️⃣隻白海老整成😳，唔怪得又大粒，口感又豐富啦🤤。壽司十貫🌟伊佐木 - 味道鮮甜脂肪豐盈、肉質白裡透紅🥰。師傅話當造的伊佐木肉身才會出現紅色🔴。🌟甘目鯛 - 嚟自伊豆熱海市嘅金目鯛🐟肉質Q嫩🤗，魚肉有甜香濃

朋友帶左我去跑馬地一間omakase.未入到去都比個門口吸引住， 充滿日式亭園气氛， 入到去空間好寬敞。今次我地食‘雅-miyabi’餐,有：先付：太刀魚、岩手縣蝦、鰈魚昆布、黃金栗子和銀杏吸物：即清湯。是秋刀魚木之子湯。刺身五點： 1. 平目魚。配上紫蘇葉和酸汁。魚身爽彈肥美2. 縞鰺。有深海池魚王之稱。口感爽軟，帶有脂香，味道甘鮮。3. 白海老。是來自富山縣的白蝦。碗子裡藏有好多隻白蝦。白蝦味道非常鮮甜！口感滑lulu加醬油一起吃，味道好有層次. 白蝦素揚。連蝦殼原隻炸。鬆脆香口，但同時又吃得到蝦香，師傅說連殼吃多鈣，對骨好4. 水八瓜魚。師傅拿出原條觸手給我們看超長。今次分別食觸手及吸盤兩個部位，前者煙韌，後者爽口5. 赤貝、白見貝。白見貝即象拔蚌。兩款都是鮮活刺身，所以非一般地鮮美。口感非常幼滑爽口！應該是我吃過最優質的赤貝和白見貝料理二品：第一道料理是蒸蜆，來自愛知縣。師傅說沒有落鹽，鹹味都是來自海水，鹹中帶鮮。第二道料理是白蝦真丈。真丈意思是用魚漿或蝦漿與其他食材一起做成的丸狀物。大大粒，蝦味極香濃，口感軟彈再接下來是壽司十貫。金目鯛：來自靜岡縣。清甘軟滑。關鯖：來自大分縣

位於跑馬地，位置方便，銅鑼灣地鐵站出囗行一陣就到。門面已洋溢著竹林風的雅氣。今晚依餐一食就食左三小時，無比寫意，而且食材非常新鮮，師傳的解說也很生動詳細，實在是我食過的omakase中最好味的！見食評不多，忍唔住要寫番兩篇讚下！希望之後唔會愈來愈難book><晚餐menu雖然價錢唔平，但食完就覺得好值依個價！因為正值一月頭來光顧，有些菜式特意選用了日本人新年會享用的菜式。就像"先付"，每件小點都有祝賀之意，如身體健康和順利吉利之祝福。特別喜歡當中的"日出" ，魚蛋中有蛋黃醬，樣子精美。接下來的湯品，也是新年菜式。裡頭的蝦是車海露，十分鮮甜！此外還有雞肉 蘿蔔 柚子皮 年糕。刺身第一道是 "九繪" ，即是我們說的龍躉。相傳相樸手喜歡吃，因為肉質低脂，但相樸手真的低脂嗎？"間八池"是我最喜歡的刺身！入囗後後勁油脂香味十分鮮香，在囗中逗留！但我竟然遺失了它的照片。"北寄貝" 配少許鹽和wasabi，味道好鮮甜，肉質好滑嫩，這道也是令我深刻的刺身。吃得多生冷野，師傅貼心地預備了一道佐酒小菜。"沙甸魚脆" 滿滿的沙甸魚，香囗！接下來是"水八爪魚"，來自北海道。師傅向我們展示此

進入壽司的環節師傅拿出新鮮大魚，在我們面前切開。一下在中間切開，確實沒有慳料，也看到肉質非常靚。最後切出吞拿魚的三個部位，包括中身和拖羅。期後師傅繼續處理不同的魚類，間中向我們展示魚的樣子，解說生動，感覺邊吃邊上了生物課！這是金目雕一共十款，見到都急不及待！魴鮄金目雕 來自熱海，連皮吃好香濃關青魚 來自九州帆立貝 來自青森 昆布潰三隻蝦 來自岩手県池魚 來自神奈村槍魷魚 來自福崗中身 來自和歌 好香拖羅中身廋肉 醬油潰 囗感好滑 愈後期師傅會調整壽司飯量，愈整愈細舊，以免客人太飽，好貼心。而且壽司飯醋飯比例以及飯的軟硬度很完美，其實舊飯已經很惹味。坐在香港已經吃到日本不同地區超級新鮮的海鮮，超滿意！北海道海膽手捲十位客人剛好用完一盒海膽，足料到見唔到舊飯。麵豉湯湯內也有魚肉，暖暖胃！最後的甜品是 "十勝紅豆水羊更"自家做，不會太甜，紅豆真係好香，本人好喜歡。配上香甜的富良野哈蜜瓜，完美作結！如果想找一個地方食一餐好，預算足夠的話這裡是不二之選！我唸香港未必搵到另一間享用到咁高質又良心又精彩的omakase！

今日朋友帶咗我嚟跑馬地食Omakase，由於好難book，係9月尾book 到11月先有位。今晚七點就到咗師傅已經準備緊食材，飲啖茶之後，傾咗兩句就好快開始。先上一個好靚嘅前菜，有成五、六種食物，仲要係啱晒季節，例如栗子、銀杏等等。 食完就再上一個湯，係燒秋刀魚同埋唔同菇菌煮湯，少少杰身。好鮮甜。之後就食剌身，有羽太、縞鰺、水八爪魚、北寄貝、根子配蕪菁蓉。師傅就最搞鬼，成條八爪魚腳拎出嚟。之後仲有香箱蟹、醬油白子。佢居然拎咗一埋蟹俾我地睇，娛樂性夠晒豐富。之後去到食壽司嘅時間。都有成10件壽司。有鯛、八角(師傅又拎條魚出嚟😂）、鰤魚、槍尤魚、帆立貝、甜蝦、秋刀魚、中拖羅、大拖羅、天身。之後仲有一條海膽手卷添。真係飽飽。約埋碗湯食埋甜品，琴日就過咗兩個半鐘，真係好開心。

第二次到訪，想book位都有d難度但品質一如既往高質，師傅健談和歌山真羽太，師傅介紹即是石班，配上酸汁酸蘿蔔食，仲有柚子同青檸混合體，微酸更可以帶出魚既鮮味熊本鰝鰺，有豐富既油脂，口感似油甘魚富山蝦-白海老質感同甜蝦好相似，但好細條水八爪魚，好爽，配醬油漬wasabi佐賀赤背，即是象拔蚌，重海水味之後有個昆布醬油白子，全熟的，平時唔食白子既我都覺得呢個易入口！炸白海老蝦丸，口感非常綿密！同平時食既蝦丸完全比唔上！之後係10款壽司京都赤子貝熱海 金目鯛連魚皮食的，脂肪豐厚，味道濃厚冰見寒鰤，第一次食，口感細膩，風味鮮甜係冬天先會有既品種！長崎池魚，帶點油甘，係我心目中既top 2！昆布漬 青森帆立貝，好鮮甜！槍魷魚，肉質爽韌，非常鮮味！霜降吞拿魚，只係加左鹽就己經可以帶出鮮味，油脂非常豐富！另一款吞拿魚係我既top 1, 魚既鮮味較濃，而且無上一款咁多油脂，balance得岩岩好最後係北海道既馬糞海膽手捲！海膽好鮮甜，而且份量慷慨！好滿足既一晚！

第二次嚟到寿々乃，上次午餐非常滿足。由於佢哋booking 好full ，終於book到今晚試吓佢哋100%嘅實力。好好彩今晚只係得4位客人，可以同師傅多啲交流。先上一個前菜拼盤，個裝飾好似禮物咁你可以親手拆開，好有儀式感。裏便都係秋尾嘅應節食物，包括銀杏、太刀魚八幡卷、明太子鯛魚絲、烏魚子、栗子。 之後有個啱季節嘅湯，係燒秋刀魚山之子煮湯，山之子係各式唔同嘅菇菌。係食緊前菜時已經準備緊接住落嚟嗰五道刺身。亦係開始睇表演嘅時間，先上羽太刺身，肉質結實，配醋橘同檸檬醋同食。之後有嚟自天草嘅縞鰺，又肥又爽。之後食水八爪魚加醬油漬wasabi，師傅將成條八爪魚嘅拎出嚟俾我哋睇，相當之巨型。跟著又有北寄貝，將佢拍落砧板度仲識得郁。最後仲有根子配蕪菁。係食刺身當中，仲有炸沙甸魚苗餅俾我哋餸酒，相當香口。之後嘅兩度季節料理分別係香箱蟹同埋昆布醬油燒白子。唔洗剝殼嘅蟹等於已經贏晒。白子亦味濃。都係當做食物。之後嘅壽司環節更加係全晚重點。有靜岡金目鯛連皮，有好似阿凡達生物嘅八角魚、肥肥嘅鰤、槍尤魚、昆布漬帶子、岩手県甜蝦、啱曬季節嘅北海道秋刀配薑蔥、冇人唔鍾意嘅中拖羅、大拖羅，反而擺去太拖羅後邊食嘅極

朋友話想一齊試吓Omakase，我就上網做功課，最後揀呢咗間位於跑馬地好多人推薦嘅Omakase。我哋點咗最豐富嘅Omakase套餐，Menu概括寫咗套餐會包括前菜，刺身，壽司，料理，湯，甜品等等。師傅會揀選時令材料去製作呢一餐，充滿驚喜，令人期待。菜式比想像中要多，以下揀啲令我印象深刻嘅食物介紹一下。前菜係栗子銀杏烏魚子蘿蔔魷魚。第一道菜式嘅賣相已經非常有驚喜，而且豐富。秋刀魚湯充滿菇嘅香氣，熱辣辣好暖胃。真羽太爽甜鮮味。三文魚籽好爽甜，呢種新鮮嘅口感同平時食嘅好唔一樣，再配上柚子蘿蔔蓉，清新美味。白粟米+黃粟米，簡單而吸引，非常清甜。真鯛口感好爽，有淡淡嘅鮮甜。鯖魚肥美新鮮。昆布漬帶子 ，帶子充滿醬油香氣，口感軟滑，好好食。一次過試晒三款唔同部位嘅吞拿魚！包括中吞拿，大吞拿魚腩，同埋醬油漬吞拿魚。大吞拿魚腩超級肥美，但我最鍾意嘅係醬油漬吞拿魚，口感非常軟滑，味道好濃。北海道馬糞海膽令我非常難忘，份量一啲都唔吝嗇，一口吃下濃郁嘅海膽，非常甘甜，簡直係衝擊味蕾富良野赤肉瓜+沖繩熱情果芝士餅。師傅提醒赤肉瓜已經非常甜美，而芝士餅因為係自家製，所以做咗少甜，所以可以先食芝士餅，再食赤肉瓜。

唔係第一次食貴價嘅omakase，但真係第一次喺香港識到啲咁高質嘅omakase，得罪講句真係好過唔少米芝蓮餐廳。老實講真係想私藏，好驚太多人去訂唔到枱，不過冇得揞住良心寫得衰。如果你係第一次食，建議你食咗其他先，你先會明白呢一間有幾高質。師傅相當有心，每一道菜嘅介紹都好詳盡，而喺過程入邊都會同我哋分享唔同嘅有趣小知識，而且個presentation好幽默。成餐飯食咗四個幾鐘，但係完全唔覺得辛苦、唔覺得悶，你話幾得人驚。‣ 雅 みやび $1880· 先付擺盤相當精緻不在話下，銀杏嘅微苦同丹波栗子嘅甘甜形成對比，烏魚子嘅鹹香同蘿蔔嘅爽甜又係一個對比，口感豐富得嚟又和諧，烏魚子甚至帶到俾我一種芝士嘅感覺。而太刀魚就包裹住牛蒡、淮山，味道豐富，前菜嘅開胃精緻令到你對之後嘅菜式都好期待。· 季節のスープ秋天嚟講點會少得蘑菇，呢一款係名副其實屬於秋天嘅湯。燒秋刀魚同埋木之子－蘑菇完美咁樣突顯咗秋天嘅味道，秋刀魚嘅炭香同埋木之子嘅鮮甜互相襯托，湯底清澈又溫暖，果然係暖心之作。· 刺身五點－真羽太（マハタ），嚟自和歌山，亦都係我哋熟悉嘅石斑，係屬於高級嘅魚生，漁獲嘅數量都唔多。肉質相當鮮美，唔會話