明記潮館 (砵蘭180+商場)

Open Now

Now Closed

早二日朋友係外國返嚟話好掛住香港的美食，我就帶佢係旺角的明記打冷，緬懷一下香港的鑊氣小炒！嚟得打冷當然唔少得叫蠔餅啦，落完order大約10分鐘已經上枱，香港餐廳果然有效率！蠔餅熱辣辣十分燙口，新鮮炸出來金黃酥脆，蠔仔大大粒完全無腥味，而且份量蠔仔份量多，十分滿足！西檸雞，將雞肉切塊，用西檸果汁、香料和醬汁醃製，炸至金黃色再配上西檸汁，咬一啖味道酸甜且香氣四溢，十分有驚喜！蝦干蒸茄子，鮮美的蝦香味和茄子的滑嫩口感十分夾，送飯一流！消費任何食品滿$300，可優惠價加$8選購滷水雜錦拼盤或韮菜豬紅。我地就揀了前者，拼盤有腩肉、魷魚、紅腸、鵝腸等，好抵食！