Yadllie Plate 야들리애플래이트 (海之戀商場)

今日同同事去咗海之戀搵食，見餐廳有午市套餐都幾抵食，於是便入咗去試吓。好似樣樣嘢都甘好食，我哋叫咗好多嘢食，包括兩個午市套餐，套餐包括主食外，仲有新鮮泡菜、沙律及飲品，另外，我哋叫咗醬豬蹄、鮮蝦沙律及蜜桃乳酪粉無骨雞。午市套餐千層五花白菜鍋 配手切面千層五花白菜鍋好大份，擺盤好靚，仲有一扎湯俾你煮，等你可以慢慢加湯，煮完之後個湯同白菜都很清甜，配五花肉好好食，另外，手切面我哋轉左手抓飯，蟹籽同紫菜嘅飯團，味道冇得輸。玫瑰雞肉飯玫瑰醬炒雞肉，有翠玉瓜等蔬菜一齊炒，甜甜地辣辣地，雞肉炒得很鮮嫩，不錯，配上充滿紫菜、沙律醬及木魚碎嘅飯，非常夾。醬豬蹄豬蹄充滿骨膠原，調味啱啱好，齋食已經好好食，包上生菜、蔥及醬料，又係另一種食法，一樣美味。鮮蝦沙律食飯點少得前菜，蔬果非常之新鮮，醬汁酸酸地甜甜地，配上大蝦，開胃清新。蜜桃乳酪粉無骨雞無骨炸雞啱晒女仔食，配上蜜桃乳酪粉，令炸雞冇咁油膩，多咗一份清甜味，炸雞炸到外脆外軟，非常Juicy，另外，炸雞仲配番薯條，幾特別。