丸目背脂煮干

Open Now

Now Closed

同老公去旺角買波鞋，老公話想食拉麵，就去咗旺角嘅呢間丸目背脂煮干拉麵到用餐。間餐廳唔算好大，但佈置得幾靚，而且都坐得舒服👍海老辛醬背脂煮干-湯麵 $98老公食辣，叫咗呢碗海老辛醬背脂煮干湯麵，呢碗拉麵個湯底好濃厚，好有豚骨味，而且帶有辛辣味，上面舊叉燒油輕輕煎過，好香好惹味👍特盛背脂煮干沾麵 $98我呢碗特盛背脂煮干沾麵都好正，湯入面有好多豬貝脂，我上網查，原來豬貝脂係一種好特別嘅票配料，佢係豬背部嘅脂肪，佢口感嫩滑，入口即溶，加添咗成碗麵嘅濃厚味😋佢嘅麵都好厚實，好彈牙，沾埋啲湯一齊食，正正正👍另外，叫左1支山梨紅葡萄梳打同埋完熟桃子梳打，全部都係日本直送👍