初心

Open Now

Now Closed

今日去開將軍澳踩單車 做完運動勁攰，見到呢間餐廳有雞煲火鍋放題 真係忍唔住要試一試一坐埋位店員已經好熱心咁樣同我哋講解我哋嘅套餐包啲乜嘢 亦都特別提我哋嘢飲可以任飲包埋啤酒 仲會好細心咁問我哋邊位會飲啤酒 咁佢之後就可以親自拎啲啤酒俾我哋 店員俾我哋嘅感覺非常之細心 亦都好熱情係非常難得一見首先一開始有小食送 今日我哋有松露蝦多士 涼拌雲耳 麻辣鴨血 漬牛膀 椒鹽三文魚頭腩蝦多士超鬆脆松露味好出 鴨血亦都好夠辣 鹽三文魚頭腩好惹味超級開胃 雲耳同埋鴨血亦都好適合做開胃菜開胃菜完之後店員好迅速咁樣上咗三文魚刺身俾我哋 三文魚刺身非常之新鮮擺盤亦都非常之精美雞煲嘅雞非常之嫩滑店員呢亦都好熱心咁樣幫我哋去攪拌個雞煲令到我哋個雞煲唔好黐底呢個非常之值得一讚食完雞煲店員都好主動咁樣為我哋送上海鮮拼盤 海鮮拼盤嘅食材非常之新鮮 亦都有好少見嘅蠔同埋蟶子 去到打邊爐嘅時侯 見到碟牛 簡直係靚到驚為天人估唔到呢一個價錢可以食到呢一個咁好質素嘅牛 簡直係令到我非常驚訝 其他附送嘅菜式亦都非常之出色魚皮好鬆脆 餃子好新鮮 牛丸亦都好有牛肉味最後食到好飽嘅時候啲嘢都係我哋送上雪米糍為我哋呢一個美食之旅劃上完