大戶屋

Open Now

Now Closed

黎過呢度食好幾次，次次都等得幾甘下，特別係因為呢區家庭客超多，好多人都推埋BB車過黎，非常熱鬧，通常都要等最少半粒鐘先有位，不過因為佢個五花腩定食，令我無論等幾耐都仍然願意等。每次坐低都會例牌翻下個餐牌，不過最後始終都係order五花腩定食，因為實在太太太滋味~今次再order時侍應好有心提醒：「會有d肥」，哈哈，我就係鐘意佢肥肥d酒脂四溢，入口超鬆化，而有兜好細嘅醬，侍應會同你講係用黎點沙律的，但每次我都會改為點五花腩，覺得好夾又好好味，食食下唔覺唔覺碗飯就KO咗，好開心呢度有免費添飯服務，啱晒我呢亭大食王，個定食仲有埋前菜、沙律、麵豉湯同燉蛋，滿足到暈！同行朋友叫左個麵豉吉列豬扒定食，我試過佢個汁，好濃好惹味，見佢又添飯，就知道有幾Yummy~佢話d豬扒好香脆，越食越開胃！