Video
Read full review
2021-07-02
201 views
有次係K11行街，無意經過見到呢間木系型格餐廳，一眼望落去空間感十足，睇落有種傢俬舖嘅感覺，所以就bookmark左，順便約好左星期五晚同班朋友去試下！我地當晚7:15到左，出面已經勁多人等緊位，超受歡迎！攞左張飛，係個商場行左陣，最後大約8pm就入得。雖然都要排幾耐下，但好彩都係商場入面，可以周圍行下🤗一路行入去，先會發現餐廳都真係幾大，佔地4,000呎，設計以木系裝修為主，加上落地大玻璃，別具空間感。不過今次安排左我地坐係一個小角落，唯有下次晏晝過黎試下有冇得坐窗邊位！餐廳上菜式選項包羅萬有，當中有pizza、意粉、意大利飯等，主食更加有多種選擇，如烤英國春雞、香烤澳洲羊肩肉、珍寶美國牛肋骨；當中亦有多款特式小食，如玉子燒、煎雞軟骨餃子等！所以都會建議帶多幾位朋友一齊過黎，咁就可以嗌多幾款菜式一齊share！我地叫左份「日式櫻花蝦芝士玉子燒」（HK$98）嘅小食去share，份量唔算大份，但對於四個人去做開胃菜，每人一小啖就啱啱好！玉子燒食落幾juicy，蛋唔會煮到好老；玉子燒頂層仲有超足料嘅櫻花蝦，一啖食落口真係冇得輸！見到個「THAI KRAPOW PIZZA」（HK$158）
一路行入去，先會發現餐廳都真係幾大，佔地4,000呎，設計以木系裝修為主，加上落地大玻璃，別具空間感。不過今次安排左我地坐係一個小角落，唯有下次晏晝過黎試下有冇得坐窗邊位！
餐廳上菜式選項包羅萬有，當中有pizza、意粉、意大利飯等，主食更加有多種選擇，如烤英國春雞、香烤澳洲羊肩肉、珍寶美國牛肋骨；當中亦有多款特式小食，如玉子燒、煎雞軟骨餃子等！所以都會建議帶多幾位朋友一齊過黎，咁就可以嗌多幾款菜式一齊share！
我地叫左份「日式櫻花蝦芝士玉子燒」（HK$98）嘅小食去share，份量唔算大份，但對於四個人去做開胃菜，每人一小啖就啱啱好！玉子燒食落幾juicy，蛋唔會煮到好老；玉子燒頂層仲有超足料嘅櫻花蝦，一啖食落口真係冇得輸！
日式櫻花蝦芝士玉子燒
$98
8 views
0 likes
0 comments
見到個「THAI KRAPOW PIZZA」（HK$158）幾特別，所以決定叫份黎試下！一聽個名就知道呢個係偏向泰式風味嘅pizza，配料有酸辣豚肉碎、白豆角、車厘茄同金不換，食落都幾開胃，味道有少少似泰式生菜肉碎包；配埋薄脆pizza底，整體黎講我覺得係出奇地好味！
THAI KRAPOW PIZZA
$158
4 views
0 likes
0 comments
我地另外亦叫多份「阿根廷紅蝦．蔥油腸．意式蛋黃闊麵」（HK$168），睇落唔算大份，但食落都幾飽肚架！不得不讚嘅係意粉嘅蕃茄醬汁係超濃郁超香，配埋阿根廷紅蝦去煮，更帶有絲絲海鮮嘅香味，超級誘人！加上用到掛汁力超強嘅蛋黃闊麵，每一啖食落都回味無窮🥰
阿根廷紅蝦．蔥油腸．意式蛋黃闊麵
$168
6 views
0 likes
0 comments
因為食落都幾飽，所以最後只係叫份經典嘅「蘋果反烤撻配雪糕」（HK$88）一齊食。因為一開始一心諗住係經典嘅蘋果撻，所以冇諗到出到黎個撻會係咁嘅樣，完全miss左「反烤撻」呢個字😅雖然賣相唔同，但味道都唔錯！但因為自己較鍾意焗到金黃色，牛油味香嘅經典蘋果批，所以就覺得呢個甜品一般般！見到隔離枱叫左份戚風蛋糕，反而對蛋糕更感興趣！
蘋果反烤撻配雪糕
$88
6 views
0 likes
0 comments
Post
