幸屋

Open Now

Now Closed

我寫料理係因為唔止拉面好食，係差不多樣樣我地點的小食都好好味，6點去到完全無人，仲心諗係咪伏店呢，好在有試，仲想一試再試點左「蝦武士」真材真料有好多櫻花蝦，湯都濃，仲有特濃選擇，個人覺等湯底只濃唔夠鮮。另外佢既幼面好爽，叫普通硬岩岩好，面底都好多，女仔食得晒都飽左9成。重點來了....就係舊叉燒，肥瘦適中，咬落有酒香但唔oily，我覺得好過日本來個啲連鎖多多聲！加多$20就有一個小食同飲品，當然加埋啦，我同友人叫左鷄軟骨同栗子餅。軟骨不過不失啦，香口易咬。我之前未食過栗子餅呀，今次一試愛上！好多好多栗子蓉，栗子味好濃但唔太甜（本人好怕甜野），外皮炸得好金黃，唔止賣相好靚，好睇又好食！仲叫多左個牛肩串燒，呢樣麻麻地，太乾身所以無咩咬口無咩牛味。員工服務好好，不過位置唔多，好在周未早來先試到咋！