和牛燒肉‧純

Open Now

Now Closed

環境幾闊落幾舒服，同埋店員服務都好到位。特選日本産和牛 $ 1280特選日本產和牛西冷&豪華燒肉拼盤全部和牛油脂分布都好平均，一次過可以試晒好多唔同嘅部位，我自己最鍾意食嘅就係牛西冷同埋牛肩眼，口感同埋肉汁係食得出同其他明顯好大分別。和牛牛排肉、上牛排肉、牛舌全部都好好食，一咬落去就有好強烈嘅和牛香味。刺身拼盤（5款）$480海膽勁新鮮，章紅魚、吞拿魚同三文魚亦都係我嘅最愛，甜蝦口感幾彈牙。凱撒沙律 $108平時食飯如果見到有凱撒沙律都會必點，份量唔會太多啱啱好。海鮮石頭鍋飯 $120份量都幾多入面有勁多海鮮，隻蝦勁大隻好彈牙，同埋有魷魚，個鍋底仲有飯焦勁惹味。雞蛋湯 $96食完和牛飲雞蛋湯清一清個口腔，即刻冇咁漏，個人舒服晒。燒蔬菜拼盤 $98佢呢度啲蔬菜勁新鮮，辣椒仔勁惹味，燒洋蔥都好甜。芝麻雪糕/ 抹茶雪糕$38芝麻雪糕勁香芝麻味，食埋雪糕勁滿足。