榊原 (亨環‧天后)

Open Now

Now Closed

呢間餐廳主打席前廚師發辦，午市套餐共16道菜，質素高之餘價錢合理🍣🥢蟬時雨 ($628/ ppl)💗茶碗蒸 蒸蛋口感滑溜細嫩，入面加咗魚肉同本菇，表面再鋪上蟹肉高湯茨汁，入口鮮味暖胃🥚💗刺身4款1️⃣烏賊：烏賊爽滑黏糯，加上三文魚籽提升鮮味2️⃣活北寄貝：師傅先拍一拍北寄貝令神經收縮，口感更脆嫩鮮爽3️⃣牡丹蝦：牡丹蝦大隻爽口，再加上火炙蝦膏醬，蝦鮮味更突出4️⃣鮟鱇魚肝：鮟康魚肝綿滑甘香，配上酸汁💗和食天婦羅分別有3款- 海老、秋葵、舞茸菇，每款都炸得金黃酥脆🍤💗壽司6貫1️⃣金目鯛：金目鯛鮮嫩柔滑，魚鮮十足2️⃣池魚：池魚緊實爽口，以薑蓉調味3️⃣北海道銀鱈魚：火炙銀鱈魚綿軟細滑，油脂豐厚4️⃣赤貝：赤貝呈橙紅色帶光澤，爽脆鮮甜5️⃣大拖羅：拖羅肥美柔嫩，帶豐潤魚油香6️⃣右口魚：火炙右口魚入口即化，魚油豐富💗雲丹選用北海道馬糞海膽同俄羅斯馬糞馬糞，兩者食落都好Creamy甘甜🧡💗卷物吞拿魚蓉加入大蔥碎同天婦羅脆脆令口感更豐富，最後以醋飯同紫菜捲成手卷💗味噌汁麵豉湯用上4款麵豉，包括西京麵豉、普通麵豉、白麵豉同赤麵豉，飲落唔會死鹹🍲💗甜品特別送上日本進口嘅開心果雪糕，食落仲有開心果碎🍨