Video
Read full review
2024-12-07
305 views
出開嚟荔枝角睇中醫，中醫話我要食多啲嘢，我哋即時好聽話咁去食好西。見到呢間日式燒肉好似好高級咁，一於試試佢。首先我幾鍾意佢座位啲間隔，每一個卡位都係有屏風，每一張枱都係一個好完美嘅私人空間，啱晒大家去食好西嘅同時談談情摸摸酒杯底。我哋叫咗個和牛拼盤，包括有四款牛肉，三款雞肉，三款豬肉。和牛係四個唔同嘅部位，不過俾啲咩部位你就視乎當日嘅供應量，因為佢嚟到嘅肉類同埋餐牌上面嘅唔一樣。今晚我哋食到嘅係和牛下鞍，羽下，芯芯同埋肩三角。我個人覺得最好味嘅係和牛肩三角，佢本身有醬汁醃製過，所以唔使點醬都已經好夠味。呢個部位都好腍，肉質好軟熟，岩晒我。而第二位就係和牛芯芯，如果肩三角屬於好腍嘅話，呢一個芯芯就更加腍，而且佢係厚切，成個嫩嫩嘅口感出晒嚟。而三款豬肉入面，我覺得最好味嘅係五花腩，佢係薄切嘅，所以呢你燒完之後個皮會彈牙得來又脆脆地，最重要係佢個豬味都夠出，但係又唔會好油，對於唔鍾意食肥嘢嘅我嚟講，呢個五花腩出奇地好味。而雞肉方面包括咗雞胸，雞腿肉同埋雞頸肉，我自己就最鍾意食雞頸肉，因為肉質比較彈牙，燒到啱啱好嘅話都好Juicy 㗎。呢個拼盤仲包咗每人一個沙律菜同埋泡菜，俾你食肉食到漏嘅時候
首先我幾鍾意佢座位啲間隔，每一個卡位都係有屏風，每一張枱都係一個好完美嘅私人空間，啱晒大家去食好西嘅同時談談情摸摸酒杯底。
我哋叫咗個和牛拼盤，包括有四款牛肉，三款雞肉，三款豬肉。和牛係四個唔同嘅部位，不過俾啲咩部位你就視乎當日嘅供應量，因為佢嚟到嘅肉類同埋餐牌上面嘅唔一樣。今晚我哋食到嘅係和牛下鞍，羽下，芯芯同埋肩三角。
我個人覺得最好味嘅係和牛肩三角，佢本身有醬汁醃製過，所以唔使點醬都已經好夠味。呢個部位都好腍，肉質好軟熟，岩晒我。
而第二位就係和牛芯芯，如果肩三角屬於好腍嘅話，呢一個芯芯就更加腍，而且佢係厚切，成個嫩嫩嘅口感出晒嚟。
而三款豬肉入面，我覺得最好味嘅係五花腩，佢係薄切嘅，所以呢你燒完之後個皮會彈牙得來又脆脆地，最重要係佢個豬味都夠出，但係又唔會好油，對於唔鍾意食肥嘢嘅我嚟講，呢個五花腩出奇地好味。
而雞肉方面包括咗雞胸，雞腿肉同埋雞頸肉，我自己就最鍾意食雞頸肉，因為肉質比較彈牙，燒到啱啱好嘅話都好Juicy 㗎。
呢個拼盤仲包咗每人一個沙律菜同埋泡菜，俾你食肉食到漏嘅時候可以解下膩，佢個沙律菜啲菜都好新鮮，加埋個沙律醋真係好消滯。
另外我哋叫咗兩款海鮮，分別係魷魚同埋帶子，魷魚係成條上好抵食，帶子其實佢係兩粒字，不過放埋同一個貝殼上面。
個帶子就咁放上去燒，都好快熟，所以小心睇住唔好過火。而佢個帶子都好鮮甜，拍得住刺身級嘅鮮甜，好少可燒肉店會用咁靚嘅帶子嚟燒，所以呢度真係真材實料㗎。
另外令我更加驚喜嘅係佢條魷魚，佢條魷魚都好甜，控制好火候好燒得太耐，完全一定唔係雪藏味，而係魷魚本身嘅甜味，而且佢都好厚肉，呢個價錢嚟講我覺得都幾抵食。
我哋叫咗兩杯果汁汽泡酒，分別係士多啤梨西柚同埋橙，士多啤梨嘅話佢就用咗乾嘅士多啤梨，如果佢係新鮮嘅話會更加開心。反而係用咗新鮮嘅，所以個杯會更加甜啲Fresh啲。
另外見到佢餐枱上面有一支Sake講到好犀利，好奇心驅使之下都叫咗一杯嚟試吓。一試真係返唔到轉頭，佢聞落就似白酒，飲落就係same 溝白酒，佢個果味確實好出，層次都好夠，而且冇乜酒精味，真係值得買支嘆下。
Post
