越棧越式湯粉專門店 (荷里活廣場) (Closed)

好耐冇食過越南嘢，見到唔使排隊，就入嚟好耐冇食嘅越棧試吓。餐牌上面有好多唔同嘅選擇，亦都有下午茶套餐，標明份量會比較細。*雞絲撈檬*雞絲份量唔算多，但檬粉嘅份量就好多，鍾意落幾多汁都可以，整體味道比較清淡，但呢個係預計之內嘅，覺得都幾好食。*健康三色紅米飯* 呢個性價比就比較低，紅米飯加上豬扒、雞翼同扎肉，扎肉下面兩塊蝦片充滿油益味，豬扒偏甜，雞翼嘅調味亦都比較淡，偏油膩，而且紅米飯煮得非常淋，唔係幾好食。