Video
Read full review
2011-06-21
11 views
前兩日同個FRIEND去銅鑼灣宜家傢俬買完嘢, 見到對面皇室堡好多人, 就行過去八吓, 原來方大同簽名會, 睇咗陣, 拎住D嘢費事行, 就順便喺度食埋嘢。行到戲院嗰層一望就見到間綠色餐廳, 行埋去睇睇個MENU, 先知完來係食越南嘢嘅, 門口個姐姐叫我試吓, 話佢哋喺越南有好多分店, 好出名, 見佢咁落力咁,我又試吓啦。一入去, 好大, 仲有露天座位望到維園同中央圖書館, 但太熱所以我哋無坐出去。我哋叫咗蝦餅撈檬, 生牛肉牛筋河, 木耳豬肉蒸粉卷同炸春卷, 侍應話飲品特價同免茶錢,所以又叫多杯綠豆冰。蝦餅撈檬:蝦餅幾彈口, 夠漲, 個汁酸酸甜甜幾開胃生牛肉牛筋河: 牛肉有羶味, 牛筋無味, 但河粉就幾彈牙木耳豬肉蒸粉卷: 我覺得依個最好味, 皮夠薄, 餡足夠味, 上面扎肉同芽菜, 爽爽地炸春卷: 餡同個粉卷好似差唔多, 但炸得幾香口, 夠鬆身, 唔似出面嗰咁實值得一讚嘅係服務, 個侍應見我哋拎住咁多嘢, 就主動拍多張枱俾我哋, 見我哋用手食春卷又會俾濕紙巾, 非常細心, 讚!
行到戲院嗰層一望就見到間綠色餐廳, 行埋去睇睇個MENU, 先知完來係食越南嘢嘅, 門口個姐姐叫我試吓, 話佢哋喺越南有好多分店, 好出名, 見佢咁落力咁,我又試吓啦。
一入去, 好大, 仲有露天座位望到維園同中央圖書館, 但太熱所以我哋無坐出去。
我哋叫咗蝦餅撈檬, 生牛肉牛筋河, 木耳豬肉蒸粉卷同炸春卷, 侍應話飲品特價同免茶錢,所以又叫多杯綠豆冰。
蝦餅撈檬:蝦餅幾彈口, 夠漲, 個汁酸酸甜甜幾開胃
生牛肉牛筋河: 牛肉有羶味, 牛筋無味, 但河粉就幾彈牙
木耳豬肉蒸粉卷: 我覺得依個最好味, 皮夠薄, 餡足夠味, 上面扎肉同芽菜, 爽爽地
炸春卷: 餡同個粉卷好似差唔多, 但炸得幾香口, 夠鬆身, 唔似出面嗰咁實
值得一讚嘅係服務, 個侍應見我哋拎住咁多嘢, 就主動拍多張枱俾我哋, 見我哋用手食春卷又會俾濕紙巾, 非常細心, 讚!
Post
