越男仔 (Moved) New Location

今日放工同老公去廣華醫院探患病的姨婆，還好姨婆病情不嚴重，不阻姨婆休息，我們逗留一陣就離開，老公說食埋晚餐至回家，記起附近有食越南菜的越男仔分店，之前在銅鑼灣食過好好味，今晚就去旺角分店回味一下吧！旺角分店地方不大，但都整潔。胡志明市紅蕃茄四寶湯檬粉，材料有扎肉、豬扒、豬頸肉、脆豬肉，份量都好大碗，豬扒、豬頸肉、脆豬肉都入味有口感。湯底是用新鮮蕃茄和洋蔥豬等熬製，濃郁香甜，檬粉幼滑，吸收了蕃茄濃湯，十分惹味！招牌生蠔椰汁酸湯湯檬粉：生蠔新鮮又大隻，湯底鮮甜帶酸味，椰汁味香，檬粉配芽菜，幼滑得來又爽口。法式芝心蝦多士：外層沾滿芝麻炸得酥脆，蝦膠彈牙，中間的芝士流心好惹味。蒜香牛油脆雞翼：外層香脆，肉質鮮嫩，牛油味香濃。咸檸七喜：咸檸檬酸中帶咸，配七喜好夾。