當文歷餅店 by Dominique Ansel (Closed)

外出中環工作，剛好經過中環新開的鼎鼎大名當文歷餅店，門外全玻璃，入內參觀面積非常大，白色為主色，簡單簡潔得來又有時代感，自設廚房，每日新鮮製作麵包，服務員都較為年青，態度殷勤又有禮，好細心介紹每一款產品特色。有港式造型甜品維他檸檬茶、益力多形狀都十分獨特，滿得意又有趣；菠蘿油、大花生、芒果糯米飯好特別很有質感，完全忍不了手想買來試試。招牌牛角包大大個外脆內軟，外層焦糖另一招牌DKA 是當文歷先生成名作品，十分酥脆有層次，第一口咬下去口感香脆帶焦糖香，繼而是口感煙韌帶牛油香，非常之有個性特色。中環店限定即燒棉花糖雪糕最外層是蜜糖棉花糖。內是雲呢拿雪糕，裹上一層朱古力脆片，客人要先落單，店員即場將棉花糖雪糕插上煙燻過的柳木枝上，然後將外層棉花糖燒至焦脆。成個過程1分鐘左右，咬下去超級甜，再咬人去嘗到雪糕有外熱內凍的滋味，但是不太喜歡食。芒果糯米飯糯米飯口感柔軟配上新鮮芒果肉，讓你一口吃盡這甜品的精髓。