越男仔 (Moved) New Location

相約友人去旺角食晚飯，行去廣華街發現依間餐廰。係門口睇個餐牌價錢唔算貴，就決定食依間。胡志明巿番茄四寶湯檬 - 四寶有豬扒、扎肉、豬頸肉、豬肉。 個湯底濃郁入味，檬粉充分吸收到鮮番茄湯底的味道。招牌越男仔海南雞配黃薑飯(送椰汁酸湯) - 以為係無骨海南雞，但原來係有骨，不過隻雞都夠滑，啖啖肉，份量重不少。至於，金黃色既黃薑飯唔油膩，香味適中， 唔會好重黃薑味。芝士軟殼蟹焗蒜蓉包 - 軟殼蟹放喺蒜蓉包面，食落去都好軟熟，唔會太厚粉，炸得香脆，加上芝士配搭唔錯。蒜蓉包烤到變咗金黃色，個賣相已經非常吸引，蒜香同牛油香令個包更加吸引。利賓納青檸梳打，利賓納本身偏甜，溝入了無味的梳打水同青檸就剛剛好。