Video
Read full review
2024-04-09
99 views
復活節假期見天氣幾好就同朋友去踩單車，踩完單車去大圍唔知食乜好，就去咗圍方The Wai 搵嘢食，見到呢間韓國菜幾吸引，就決定試吓！個位仲坐得好舒服添！我哋冇揀set, 因為個set有啲貴又冇好多想食嘅野，所以揀A la carte,食左棉花糖壽喜燒，韓牛石頭鍋飯，海鮮煎餅，雪濃湯，挑骨雞翼同上等牛肋骨，佢嘅前菜好好味尤其是係泡菜，有食返喺韓國食嘅感覺，係我鍾意有甜味嘅泡菜，感覺好新鮮！😋棉花糖壽喜燒非常IG..able, 棉花糖唔算好甜，不過肉就比較薄同埋少少”鞋”，但係加埋蛋都唔錯😋上等牛肋骨店舖推介菜式，肉質非常好，店員仲幫手剪開啲肉，不過唔同其他韓式餐廳有人幫你燒肉，好有牛味又有肉汁，不過份量比較少，四個人食好似有少少唔夠😋韓牛石頭鍋飯石頭鍋飯有少少飯焦好香口，味道唔錯，飯量算多，韓牛都好食不過份量較少，如果多啲牛比較好，可以自行選加幾多醬汁，店員會幫你撈😋挑骨雞翼肉質鮮嫩，有少少醬油味加水果甜味，推介！😋雪濃湯雪濃湯原來有配飯，但係唔夠牛味，胡椒味較重，啲肉都幾好食，裏面仲有韓式細麵，超爆肚😋海鮮煎餅煎餅份量好大，好多海鮮，魷魚好彈牙，好抵食，原本以為份量唔夠食完超飽，有男士
個位仲坐得好舒服添！我哋冇揀set, 因為個set有啲貴又冇好多想食嘅野，所以揀A la carte,食左棉花糖壽喜燒，韓牛石頭鍋飯，海鮮煎餅，雪濃湯，挑骨雞翼同上等牛肋骨，佢嘅前菜好好味尤其是係泡菜，有食返喺韓國食嘅感覺，係我鍾意有甜味嘅泡菜，感覺好新鮮！
😋棉花糖壽喜燒
非常IG..able, 棉花糖唔算好甜，不過肉就比較薄同埋少少”鞋”，但係加埋蛋都唔錯
😋上等牛肋骨
店舖推介菜式，肉質非常好，店員仲幫手剪開啲肉，不過唔同其他韓式餐廳有人幫你燒肉，好有牛味又有肉汁，不過份量比較少，四個人食好似有少少唔夠
😋韓牛石頭鍋飯
石頭鍋飯有少少飯焦好香口，味道唔錯，飯量算多，韓牛都好食不過份量較少，如果多啲牛比較好，可以自行選加幾多醬汁，店員會幫你撈
😋挑骨雞翼
肉質鮮嫩，有少少醬油味加水果甜味，推介！
😋雪濃湯
雪濃湯原來有配飯，但係唔夠牛味，胡椒味較重，啲肉都幾好食，裏面仲有韓式細麵，超爆肚
😋海鮮煎餅
煎餅份量好大，好多海鮮，魷魚好彈牙，好抵食，原本以為份量唔夠食完超飽，有男士必叫
Post
