Video
Read full review
2023-03-06
1236 views
💁♀️💁♂️ 2/3/2023(Thur), Dinner🍽近來屋企同公司既事務都好忙碌，真係要搵d機會去輕鬆一下，放鬆心情再迎接生活上不斷而來既挑戰💪🏻。呢方面最佳選擇一定係近住A先生工作地點既蘇豪區，大量不同風格既小店，每間都各有特色，今晚為食妙妙同A先生就揀咗位於伊利近街既 acquasala 。而今晚我地order咗：🔆 Scallop Carpaccio（$138）切薄片既帶子，加上沙律菜、紅洋蔥、車厘茄🍅、橄欖🫒同埋幾片桔，簡單咁混合埋一齊。帶子薄薄的連埋爽脆既沙律菜，最特別係連埋桔片一齊食，酸酸甜甜既柑橘類味道，加埋帶子既海產味道，入口清新開胃。🔆 Patagonian Seabass（$188+40）煎香既海鱸魚加上燒過既茄子🍆、紅椒、瓜片同火箭菜，加上一個濃濃既蕃茄🍅汁。兩片煎得皮脆肉嫩既鱸魚已經起晒骨，食起嚟好方便。墊底既茄子🍆都唔好錯過，吸收咗鱸魚既魚油連埋蕃茄🍅既香甜味，十分吸引。🔆 28 Days Dry Aged Rib Eye Steak 🥩（$188+180）生熟度我地照舊選擇咗medium，乾式熟成過之後既肉眼🥩，因為酵素分解咗肉既纖維，所以食起嚟肉質
💁♀️💁♂️ 2/3/2023(Thur), Dinner🍽
近來屋企同公司既事務都好忙碌，真係要搵d機會去輕鬆一下，放鬆心情再迎接生活上不斷而來既挑戰💪🏻。呢方面最佳選擇一定係近住A先生工作地點既蘇豪區，大量不同風格既小店，每間都各有特色，今晚為食妙妙同A先生就揀咗位於伊利近街既 acquasala 。
而今晚我地order咗：
🔆 Scallop Carpaccio（$138）
切薄片既帶子，加上沙律菜、紅洋蔥、車厘茄🍅、橄欖🫒同埋幾片桔，簡單咁混合埋一齊。帶子薄薄的連埋爽脆既沙律菜，最特別係連埋桔片一齊食，酸酸甜甜既柑橘類味道，加埋帶子既海產味道，入口清新開胃。
🔆 Patagonian Seabass（$188+40）
煎香既海鱸魚加上燒過既茄子🍆、紅椒、瓜片同火箭菜，加上一個濃濃既蕃茄🍅汁。兩片煎得皮脆肉嫩既鱸魚已經起晒骨，食起嚟好方便。墊底既茄子🍆都唔好錯過，吸收咗鱸魚既魚油連埋蕃茄🍅既香甜味，十分吸引。
🔆 28 Days Dry Aged Rib Eye Steak 🥩（$188+180）
生熟度我地照舊選擇咗medium，乾式熟成過之後既肉眼🥩，因為酵素分解咗肉既纖維，所以食起嚟肉質比一般肉眼更軟更嫩，而且肉既水份流失之後肉味更加濃郁，更帶有少少類近芝士既味道。店方簡單用上少少鹽同黑椒調味就上枱，沒有跟上任何醬汁，為既就係可以食到肉既原味，亦都係店方對自己出品既信心。
🔆 House White Wine（$75）
來自意大利🇮🇹既白酒，入口清爽，配合帶子或者鱸魚都好匹配。
🔆 Orange Lemonade（$55）
喺lemonade既基礎加入橙汁🍊，除咗檸檬🍋既酸味之外再加上橙🍊既香甜味道。
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整體食評：❤❤❤❤❤(5/5)
❤🙆♀️(為食妙妙)整體食評：❤❤❤❤❤(5/5)
👉🏻 餐廳氣氛好chill，播住輕快既音樂，門口仲有兩個outdoor既位可以用餐
A先生車友指數 🚗
🛣️ 交通容易指數：🚗🚗🚗🚗(4/5)
🅿️ 泊車容易指數：🚗🚗🚗(3/5)
👉🏻 蘇豪區首選交通都係港鐵到中環，再沿行人扶手電梯慢慢上嚟，而家天氣涼涼地咁行都好舒服，又可以感受吓沿路既好輕鬆同relax既氣氛
🔆🔆🔆🔆🔆🔆🔆🔆🔆🔆🔆🔆🔆
Post
