海福樓 (Closed)

離家五分鐘，現在是我最喜歡的中菜廳之一。因為出面好多酒樓都比較油或者菜式大同小異，有好一排爸媽一講飲茶就怕。雖然黃埔都有好幾間唔錯食中菜嘅餐廳(都係位於幾間酒店裏面的比較好)，而這間則很貼地，但又精緻和特別，亦好健康。首先必食係叉燒配白飯。叉燒食過約四次，和牛幾乎入口即溶的囗感，調味都恰到好處。菜餃實物好的色，一口嘅size, 不過的確好鮮味，如果叫每人2粒就正今次試海參蝦膠，海參好厚、入味同有口感，唔似得之前我去某餐廳，大家可以睇返之前篇食評，咁貴都做得唔好另外推這個酸辣窩巴窩巴金黃香脆但不覺熱氣，醬汁都調得好都係比出邊好味嘅! 另外仲有食甜品，不過已經忘記咗，但來過好多次次次都食得好滿意。覺得係屋苑有咁嘅質素好出奇值得一提係佢哋嘅員工難得態度咁好總是笑容滿面，會花時間同客人傾計，講野又識氹人，有工作熱誠的 喺9號水產呢個場來講，因為其他生意又唔多好、態度又唔好，惡性循環，有試過出漏菜同好多樣都話賣哂，呢一間簡直係清泉!