渝味曉宇重慶老火鍋 (渣甸中心) (Closed)

渝味曉宇真係久唔久就想去食下，呢排又約飯腳去食，揀左下午茶時間，估唔到都有幾枱客，人少少，令本身都坐得鬆動既店內更覺舒適，所以邊爐都唔一定要正餐既，食完下午茶，傾下計，就唔駛食晚飯，唔錯唔錯食極唔厭既原因係因為個麻辣湯底真係好好味，同唔太食得辣既朋友一齊食就可以兩溝。朋友話好味既麻辣鍋會愈食愈有甜味，辣中帶甜，又真係喎，食得耐有點甜味今次點左推介既海蟶，平時都係食肉多，又幾ok wor, 好鮮味，浸完辣湯仲正。除左蟶子，鱔都好點，不過如果可以多幾塊就更好其他食物 （鴨血，蝦滑，黑柏葉。。。。。）都是一如以往的出色