呇 (Closed)

是日補食工作上嘅慶功大餐，估唔到川菜亦大受外國人青睞，到餐廳時早已滿座。幸好朋友預早訂好窗口位，城景相伴更添雅興。午市套餐包含前菜、主菜配白飯，考慮到川菜份量較大，我哋點咗一份套餐同一道水煮牛，主食share。兩個辣精當然指定最辣再加辣😛抄手顧及到素食者可選擇葷素，龍抄手為葷菜，裡頭包有豬肉韮菜。傳統包嘅雲吞，突出如絲巾般嘅粉皮纖薄滑嫩，掛上辣油，增添鮮香；相較之下肉餡偏鬆散，亦唔夠飽滿，建議混入蝦肉會更鮮甜。薑雞選用雞柳片，雖然肉質薄如紙張，但勝在嫩而不柴，裹上生粉炸香，薄脆香口，攤涼後仍保留脆嫩感，難怪為餐廳熱門；蜜糖毫不吝嗇，加入帶微辛嘅薑汁、洋蔥中和甜膩，即使貪嘴食多兩嚿都唔覺膩。白飯轉配麵食另+$40。唔夠正宗嘅擔擔麵，加分位係麵條絲絲均勻，綿中帶韌勁；唯麻醬同花生欠奉，無咗靈魂所在，建議大家食之前問餐廳拎兜麻醬撈住食，即刻感覺唔同哂🤫充滿氣勢嘅水煮牛，雖然盤大，但牛肉不多，大份都只有十幾片，牛柳位，厚肉得嚟幾嫩；薯粉、大豆芽、菇菌、萵荀佔多，色水紅通通，可惜都係唔夠辣，辣度較大眾化。餐廳佔地不算大，大約有二十枱，但樓面只有兩個，有人手不足問題，坐窗邊角落更要主動行出去叫人；