Video
Read full review
2022-07-25
632 views
天氣雖然熱，但這天晚上在荃灣工作完突然好想好想食麻辣野，朋友介紹這間位於沙咀道遊樂場旁的「肥姐麻辣餐廳」，話呢間的麻辣比一般餐廳做得更地道更出色，於是我哋就去會一會佢。餐廳設計像一般茶餐廳，大部分都是卡位，是朋友傾計的好地方。值得一提的是桌上擺放著一個竹簽造成的農村設計擺設，牆壁上的塗畫都是在說造米「粒粒皆辛苦」的訊，滿滿的中國文化特色。 招牌口水雞 ($78/例牌)可以選擇BB辣/小辣/中辣/大辣，自問不是食辣高手，還是BB辣可以了。雞的份量夠而且雞肉嫰滑，一放進口感覺不是很辣，愈食就辣味愈出，作為前菜小試牛刀，這個口水雞果然是招牌，唔錯！ 酸菜魚 $168都是BB辣，但一上桌就知唔惹少，超香同好足料，好多辣椒花椒。魚肉好多又好夠滑 又大大舊，魚骨是顯而易見的，小心慢慢食就無問題了。酸菜既多而好味，仲有唔少配菜包括芽菜、海帶等等，配料多魚肉多，份量來說二人吃真心多，辣得過癮，出色！ 手撕包菜$78這個炒手撕包菜都落了麻辣配料炒，相比起口水雞同酸菜魚，呢個是香味濃，不算太辣，食下食下好快清曬！ 藍妹 $36/支大熱天時食辣野，緊係要叫返支啤酒啤啤佢啦！解熱解渴解辣，爽呀！
餐廳設計像一般茶餐廳，大部分都是卡位，是朋友傾計的好地方。值得一提的是桌上擺放著一個竹簽造成的農村設計擺設，牆壁上的塗畫都是在說造米「粒粒皆辛苦」的訊，滿滿的中國文化特色。
招牌口水雞 ($78/例牌)
可以選擇BB辣/小辣/中辣/大辣，自問不是食辣高手，還是BB辣可以了。雞的份量夠而且雞肉嫰滑，一放進口感覺不是很辣，愈食就辣味愈出，作為前菜小試牛刀，這個口水雞果然是招牌，唔錯！
酸菜魚 $168
都是BB辣，但一上桌就知唔惹少，超香同好足料，好多辣椒花椒。魚肉好多又好夠滑 又大大舊，魚骨是顯而易見的，小心慢慢食就無問題了。酸菜既多而好味，仲有唔少配菜包括芽菜、海帶等等，配料多魚肉多，份量來說二人吃真心多，辣得過癮，出色！
手撕包菜$78
這個炒手撕包菜都落了麻辣配料炒，相比起口水雞同酸菜魚，呢個是香味濃，不算太辣，食下食下好快清曬！
藍妹 $36/支
大熱天時食辣野，緊係要叫返支啤酒啤啤佢啦！解熱解渴解辣，爽呀！
Post
